ஐபிஎல் 2025: ஒவ்வொரு அணியின் இளைய மற்றும் மூத்த வீரர்களின் பட்டியல்

2008-ம் ஆண்டு முதல் நடைபெற்று வரும் இந்தியன் பிரீமியர் லீக் (ஐபிஎல்), உலகின் முதன்மையான டி20 கிரிக்கெட் போட்டியாகும். இந்தியாவில் நடைபெறும் 10 அணிகள் இடையிலான உள்ளூர் டி20 தொடரான ஐபிஎல் 18-வது சீசன் மார்ச் 22-ம் தேதி தொடங்கி மே 25-ம் தேதி வரை நடக்கவுள்ளது. இந்த சீசனில் மொத்தம் 65 நாட்கள் 13 நகரங்களில் 74 ஆட்டங்கள் நடக்கிறது. மார்ச் 22-ம்தேதி ஈடன் கார்டனில் கொல்கத்தா நைட் ரைடர்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையிலான மோதலுடன் இந்த சீசன் தொடங்கி மே 25-ம்தேதி அதே இடத்தில் முடிவடைகிறது.

ஐபிஎல் 2025 சீசனில் அனைத்து அணிகளிலும் இளம் திறமையாளர்கள் மற்றும் அனுபவம் வாய்ந்த வீரர்கள் கலந்து கொள்கிறார்கள். ராஜஸ்தான் ராயல்ஸின் வைபவ் சூர்யவன்ஷி (13 வயது) ஐபிஎல் வரலாற்றில் இளைய வீரராக மாற உள்ளார்.

இளம் வீரர்கள் மற்றும் அனுபவமிக்க வீரர்களின் அற்புதமான கலவையுடன், 2025-ம் ஆண்டுக்கான இந்தியன் பிரீமியர் லீக் (ஐபிஎல்) ஒரு சிலிர்ப்பூட்டும் கிரிக்கெட் களியாட்டமாக இருக்கும் என்பதில் சந்தேகமில்லை.

வரவிருக்கும் ஐபிஎல் போட்டியின் 13 வயதில் வைபா சூர்யவன்ஷி இளைய வீரராக இருப்பார் என்றாலும், 43 வயதில் எம்எஸ் தோனி போட்டியின் மூத்த வீரராக இருப்பார்.

2025 ஐபிஎல் சீசனுக்கான ஏலத்தில், உலகெங்கிலும் உள்ள திறமையான வீரர்களை கொண்டு சிறந்த அணிகளை உருவாக்க அனைத்து அணிகளும் தங்களால் இயன்றதைச் செய்தன. மெகா ஏலத்தில் இருந்து 185 வீரர்கள் ரூ.639.15 கோடிக்கு எடுக்கப்பட்டுள்ளனர்.

இந்த குறிப்பில், போட்டியில் பங்கேற்கும் பத்து அணிகளில் உள்ள இளைய மற்றும் மூத்த வீரர்களைப் பார்ப்போம்.

பத்து அணிகளில் உள்ள இளம் வயது வீரர்கள் :

* சென்னை சூப்பர் கிங்ஸ் அணியின் இளம் வீரர் ஆண்ட்ரே சித்தார்த் (வயது 18).

* டெல்லி கேபிடல்ஸ் அணியின் இளம் வீரர் சுழற்பந்து வீச்சாளர் ஆல்ரவுண்டராக விப்ராஜ் நிகம் (வயது 20).

* குமார் குஷாக்ரா ஜிடி அணியில் இளம் வீரர்(வயது 20). நிஷாந்த் சிந்துவுக்கும் 20 வயது, ஆனால் குஷாக்ராவை விட மூத்தவர்.

* கேகேஆர் அணியில் இளம் வீரர் 20 வயது அங்கிரிஷ் ரகுவன்ஷி.

* எல்எஸ்ஜி அணியில் இளைய வீரர் அர்ஷின் குல்கர்னி, 19 வயது.

* 18 வயதுடைய அல்லா கசன்ஃபர், மும்பை இந்தியன்ஸ் அணியில் இளைய வீரராவார்.

* பஞ்சாப் கிங்ஸ் அணியில் இளைய வீரர் 19 வயது முஷீர் கான்.

* ஆர்ஆர் அணிக்காக விளையாடிய வைபவ் சூர்யவன்ஷி இளைய வீரர், அவருக்கு வயது வெறும் 13 தான். இவர் ஐபிஎல் சீசனில் உள்ள அனைத்து வீரர்களையும் விட இளைய வீரர் ஆவார்.

* ஸ்வஸ்திக் சிகாரா ஆர்சிபி அணியில் இளைய வீரர், அவருக்கு வயது 19.

* சன்ரைசர்ஸ் ஹைதராபாத் அணியின் இளம் வீரர் 21 வயதான நிதிஷ் ரெட்டி.

பத்து அணிகளில் உள்ள மூத்த வீரர்கள் :

* சென்னை சூப்பர் கிங்ஸ் அணியின் மூத்த வீரர் ஜாம்பவான் எம்.எஸ். தோனி. அவருக்கு தற்போது 43 வயது.

* டிசி அணியில் தென்னாப்பிரிக்க ஜாம்பவான் ஃபஃப் டு பிளெசிஸ் மிகவும் வயதானவர் (வயது 40).

* ஜிடி அணியில் இஷாந்த் சர்மா மூத்த வீரர் (வயது 36).

* கேகேஆர் அணியில் உள்ள மூத்த வீரர் மொயீன் அலி, 37 வயது.

* எல்எஸ்ஜி அணியில் டேவிட் மில்லர் தான் மூத்த வீரர், அவருக்கு வயது 35.

* மும்பை இந்தியன்ஸ் அணியில் 37 வயதுடைய ரோஹித் சர்மா மூத்த வீரராவார்.

* பஞ்சாப் கிங்ஸ் அணியில் 36 வயது க்ளென் மேக்ஸ்வெல் தான் மூத்த வீரர்.

* ராஜஸ்தான் ராயல்ஸ் அணியின் மூத்த வீரர் 31 வயதுடைய சந்தீப் சர்மா.

* ஆர்சிபி அணியில் மூத்த வீரர் 35 வயது விராட் கோலி ஆவார்.

* சன்ரைசர்ஸ் ஹைதராபாத் அணியின் மூத்த வீரர் 35 வயதான சச்சின் பேபி