மூன்றே நாட்களில் 50 கோடி…பட்ஜெட்டை தூக்கி அசத்திய டிராகன்!

தொட்டதெல்லாம் தங்கம் என்கிற வகையில் பிரதீப் ரங்கநாதன் நடிகராக களமிறங்கிய பிறகு அவர் நடிக்கும் படங்களும், இயக்குனராக இயக்கிய படங்களும் சூப்பர் ஹிட் ஆகி வருகிறது. குறிப்பாக சொல்லவேண்டும் என்றால், இயக்குநராக அவர் இயக்கிய கோமாளி, லவ் டுடே மிகப்பெரிய ஹிட் ஆனது. அதைப்போல நடிகராக அவர் நடித்த லவ் டுடே, சமீபத்தில் வெளியான டிராகன் திரைப்படம் ஆகிய இரண்டு படங்களை சொல்லலாம்.

இதில் சமீபத்தில் வெளியான டிராகன் திரைப்படம் தான் பெரிய அளவுக்கு மக்களுக்கு மத்தியில் வரவேற்பை பெற்று வசூலை குவித்து வருகிறது. யாரை பார்த்தாலும் டிராகன் படம் அப்படி இருக்கு..இப்படி இருக்கு என்று தான் புகழ்ந்து வருகிறார்கள். அந்த அளவுக்கு மக்களை வெகுவாக டிராகன் படம் கவர்ந்துள்ளது. படத்தில் காமெடி, எமோஷனல் என அனைத்தும் பக்காவாக இருப்பதன் காரணமாக தான் மக்களுக்கு படம் பிடித்திருக்கிறது.

மொத்தமாக இந்த திரைப்படம் எடுக்கப்பட்ட தொகை 37 என படத்தின் இயக்குனர் அஸ்வந்த் மாரிமுத்து கூறியிருந்தார். படம் வெளியாவதற்கு முன்பு இந்த அளவுக்கு படம் வசூல் செய்து பட்ஜெட் தொகையை மீட்டுமா? என்கிற கேள்விகள் எழுந்திருந்த நிலையில், வெளியான 3 நாட்களிலே அதனை தாண்டி அதிகமாக வசூல் செய்து அசத்தியுள்ளது.

அதன்படி, டிராகன் திரைப்படம் வெளியான 3 நாட்களில் உலகம் முழுவதும் 50 கோடி வசூல் செய்துள்ளதாக தகவல்கள் வெளியாகியுள்ளது. தமிழகத்தில் மட்டும் 25 கோடி வசூல் செய்துள்ளதாகவும் தகவல்கள் வெளியாகியுள்ளது. படத்திற்கு இன்னும் சிறப்பான வரவேற்பு கிடைத்து வருவதன் காரணத்தால் வரும் நாட்களில் இன்னும் அதிகமாக வசூல் செய்யும் எனவும் எதிர்பார்க்கப்படுகிறது.

மேலும், “லவ் டுடே” திரைப்படம் வெளியான 12 நாட்களில் ரூ.50 கோடி வசூல் செய்து அடுத்ததாக மொத்தம் உலகம் முழுவதும் 110 கோடிகள் வரை வசூல் செய்திருந்தது. ஆனால், டிராகன் வெளியான 3 நாட்களிலே 50 கோடி வசூல் செய்திருப்பதால் லவ் டுடே மொத்த வசூலை கூட மிஞ்சிவிடும் என கூறப்படுகிறது.