ஜெயலலிதா பிறந்தநாள் போயஸ் கார்டன் இல்லத்தில் ரஜினிகாந்த் மரியாதை

சென்னை: முன்னாள் முதல்வர் ஜெயலலிதா வீட்டில் நடிகர் ரஜினிகாந்த் சென்று அவரது படத்துக்கு மரியாதை செலுத்தினார். மறைந்த முன்னாள் முதல்வர் ஜெயலலிதாவின் பிறந்த நாளையொட்டி ரஜினிகாந்த், சென்னை போயஸ் கார்டனிலுள்ள ெஜெயலலிதாவின் வேதா இல்லத்துக்கு காலை 10 மணிக்கு சென்றார்.

அங்கு மலர்களால் அலங்கரிக்கப்பட்டு வைக்கப்பட்டிருந்த ஜெயலலிதாவின் உருவ படத்துக்கு மலர் தூவி அவர் மரியாதை செலுத்தினார். பிறகு தீபா மற்றும் அவரது குடும்பத்தினருடன் சிறிது நேரம் பேசிக் கொண்டிருந்தார். வெளியே வந்தபோது நிருபர்களிடம் ரஜினிகாந்த் கூறும்போது, ‘‘ஜெயலலிதாவின் நினைவு மக்கள் மனதில் எப்போதும் நிலைத்து நிற்கும். இதற்கு முன் 3 முறை இந்த வீட்டுக்கு வந்து ஜெயலலிதாவை சந்தித்துள்ளேன்’’ என்றார்.

The post ஜெயலலிதா பிறந்தநாள் போயஸ் கார்டன் இல்லத்தில் ரஜினிகாந்த் மரியாதை appeared first on Dinakaran.