ஐ.எஸ்.எல். கால்பந்து தொடர்: நார்த் ஈஸ்ட் யுனைடெட் அணியை வீழ்த்திய பெங்களூரு எப்.சி

image courtesy: @IndSuperLeague / @bengalurufc / @NEUtdFC

ஷில்லாங்,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இந்த தொடரில் ஷில்லாங்கில் இன்று நடைபெற்ற ஆட்டத்தில் பெங்களூரு எப்.சி. - நார்த் ஈஸ்ட் யுனைடெட் எப்.சி. அணிகள் மோதின.

ஆட்டம் தொடங்கிய 3வது நிமிடத்திலேயே பெங்களூரு அணி கோல் அடித்து 1-0 என முன்னிலை பெற்றது. இதன் காரணமாக முதல் பாதி ஆட்டத்தில் 1-0 என பெங்களூரு முன்னிலை வகித்தது. தொடர்ந்து நடைபெற்ற 2வது பாதி ஆட்டத்திலும் ஆதிக்கம் செலுத்திய பெங்களூரு அணி மேலும் ஒரு கோல் அடித்து அசத்தியதுல்.

பெங்களூரு அணிக்கு பதிலடி கொடுக்க நார்த் ஈஸ்ட் யுனைடெட் எடுத்த முயற்சிகளுக்கு இறுதிவரை பலன் கிடைக்கவில்லை. இறுதியில் இந்த ஆட்டத்தில் 2-0 என்ற கோல் கணக்கில் பெங்களூரு அணி வெற்றி பெற்றது.