ஐ.எஸ்.எல். கால்பந்து தொடர்: ஐதராபாத்தை வீழ்த்தி வெற்றி பெற்ற ஈஸ்ட் பெங்கால்

கொல்கத்தா ,

13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் இந்தியாவின் பல்வேறு நகரங்களில் நடந்து வருகிறது. இந்த தொடரில் இன்று கொல்கத்தாவில் நடைபெற்ற லீக் ஆட்டத்தில் ஈஸ்ட் பெங்கால் எப்.சி. - ஐதராபாத் எப்.சி. அணிகள் மோதின. தொடக்கம் முதலே இரு அணி வீரர்களும் கோல் அடிக்க தீவிர முயற்சிகள் மேற்கொண்டனர்.

ஆனால் இரு அணி வீரர்களும் கோல் அடிக்க எடுத்த முயற்சிகளுக்கு முதல் பாதியில் பலன் கிடைக்கவில்லை. இதனால் முதல் பாதி ஆட்டம் கோல் ஏதுமின்றி டிராவில் முடிந்தது. தொடர்ந்து நடைபெற்ற 2வது பாதி ஆட்டத்தில் ஈஸ்ட் பெங்கால் அணி ஆதிக்கம் செலுத்தியது.

ஆட்டம் முடியும் தருவாயில் (86வது நிமிடம்) ஐதராபாத் அணி சுயகோல் அடித்தது. இதன் காரணமாக ஈஸ்ட் பெங்கால் அணி 1-0 என்ற கோல் கணக்கில் முன்னிலை பெற்றது. தொடர்ந்து கூடுதல் நேரத்தில் ஈஸ்ட் பெங்கால் அணி மேலும் ஒரு கோல் அடித்தது. இறுதியில் இந்த ஆட்டத்தில் 2-0 என்ற கோல் கணக்கில் ஐதராபாத் அணியை வீழ்த்தி ஈஸ்ட் பெங்கால் எப்.சி. திரில் வெற்றி பெற்றது.