எஸ்.ஏ. 20 ஓவர் லீக்: டர்பன் அணியை வீழ்த்திய பார்ல் ராயல்ஸ்

டர்பன்,

ஐ.பி.எல். கிரிக்கெட் பாணியில் தென் ஆப்பிரிக்காவில் 20 ஓவர் லீக் (எஸ்.ஏ.20 ஓவர் லீக்) கிரிக்கெட் போட்டி நடைபெற்று வருகிறது. இதில் மொத்தம் 6 அணிகள் கலந்து கொண்டு விளையாடுகின்றன. இதன் 3வது சீசன் கடந்த 9ம் தேதி தொடங்கியது. இந்நிலையில், இந்த தொடரில் நேற்று நடைபெற்ற ஒரு லீக் ஆட்டத்தில் டர்பன் சூப்பர் ஜெயண்ட்ஸ் - பார்ல் ராயல்ஸ் அணிகள் மோதின.

இந்த ஆட்டத்தில் முதலில் பேட்டிங் செய்த டர்பன் அணி 20 ஓவர்களில் 7 விக்கெட்டை இழந்து 142 ரன்கள் மட்டுமே எடுத்தது. டர்பன் தரப்பில் அதிகபட்சமாக டி காக் 43 ரன்கள் எடுத்தார். பார்ல் ராயல்ஸ் தரப்பில் முஜீப் 2 விக்கெட்டுகள் வீழ்த்தினார்.

இதையடுத்து 143 ரன் எடுத்தால் வெற்றி என்ற இலக்குடன் களம் இறங்கிய பார்ல் ராயல்ஸ் அணி 17.3 ஓவர்களில் 5 விக்கெட்டை மட்டும் இழந்து 146 ரன்கள் எடுத்து 5 விக்கெட் வித்தியாசத்தில் அபார வெற்றி பெற்றது.

பார்ல் ராயல்ஸ் தரப்பில் அதிகபட்சமாக ருபின் ஹெர்மான் 44 ரன்கள் எடுத்தார். டர்பன் தரப்பில் ஜூனியர் டாலா 2 விக்கெட் வீழ்த்தினார். இந்த தொடரில் இன்று நடைபெறும் லீக் ஆட்டத்தில் சன்ரைசர்ஸ் ஈஸ்டர்ன் கேப் - ஜோபர்க் சூப்பர் கிங்ஸ் அணிகள் மோத உள்ளன.