இன்றைய முக்கிய செய்திகள் சில வரிகளில்.. 20-02-2025

விருதுநகர் மாவட்டம் சிவகாசி அருகே பட்டாசு ஆலை வெடி விபத்தில் சிக்கி உயிரிழந்த சுரேஷ் என்பவரது குடும்பத்தினருக்கு முதல்-அமைச்சர் மு.க.ஸ்டாலின் ஆறுதல் கூறியுள்ளார். முதலமைச்சரின் பொது நிவாரண நிதியில் இருந்து ரூ.3 லட்சம் நிதியுதவி வழங்கவும் உத்தரவிட்டுள்ளார்.

விருதுநகர்: வெம்பக்கோட்டையில் நடைபெற்று வரும் மூன்றாம் கட்ட அகழாய்வில் கல்மணி, பச்சை நிற கண்ணாடி மணி, சுடுமண் முத்திரை, சங்கு வளையல் என பல தொல்லியல் பொருட்கள் கண்டெடுக்கப்பட்டன.

கும்பகோணம் மாநகராட்சி மீன் அங்காடியில் உணவு பாதுகாப்புத் துறை அலுவலர்கள் நடத்திய திடீர் சோதனையில் கெட்டுப்போன 150 கிலோ மீன்கள் பறிமுதல். பினாயில் ஊற்றி அழித்தனர்.