TASMAC Scam : ‘அமலாக்கத்துறை நடவடிக்கைக்கு தடை..’ சென்னை உயர்நீதிமன்றத்தில் டாஸ்மாக் மனுத் தாக்கல்!

4 hours ago

ARTICLE AD BOX

டாஸ்மாக் மீது அமலாக்கத்துறை சோதனை நடத்தி முடித்திருக்கும் நிலையில், ‘ரூ.1000 கோடிக்கு மேல் முறைகேடு நடந்திருப்பதாக,’ அது தொடர்பான செய்தி குறிப்பும் சமீபத்தில் வெளியிடப்பட்டிருந்தது. அடுத்தது என்ன? என்கிற எதிர்பார்ப்பு நிலவி வருகிறது. இந்நிலையில், டாஸ்மாக் நிர்வாகம் சார்பில், சென்னை உயர்நீதிமன்றத்தில் மூன்று மனுக்கள் தாக்கல் செய்யப்பட்டுள்ளது.

மேலும் படிக்க | டாஸ்மாக் நிறுவனத்தில் 1000 கோடி முறைகேடு: டாஸ்மாக் கடையில் முதலமைச்சர் மு.க.ஸ்டாலினின் படத்தை மாட்டிய பாஜகவினர்!

அந்த மனுவில், ‘டாஸ்மாக் நிறுவனத்தின் தலைமை அலுவலகம் உள்ளிட்ட 20 இடங்களில் அமலாக்கத்துறை சோதனை நடத்தியது. அந்த சோதனை தொடர்பாக, மாநில அரசின் அனுமதி இல்லாமல் நடவடிக்கை எடுக்க தடை விதிக்கவும், விசாரணை என்கிற பெயரில் டாஸ்மாக் ஊழியர்கள், அதிகாரிகளை துன்புறுத்தக் கூடாது’ என்றும் வலியுறுத்தப்பட்டுள்ளது.

இந்த மனு விசாரணைக்கு வரும் நாளில் இது தொடர்பான கூடுதல் தகவல்கள் கிடைக்கலாம். இந்நிலையில், டாஸ்மாக் முறைகேடு குறித்து பாஜக சார்பில் இன்று தீவிர பிரசாரங்கள் முன்னெடுக்கப்பட்டன. குறிப்பாக, டாஸ்மாக் கடைகளில், முதல்வர் ஸ்டாலின் போட்டோவை மாற்றி, அரசுக்கு எதிராகவும், திமுகவுக்கும் எதிராகவும் பெரிய அளவிலான பிரசாரத்தை பாஜக கையில் எடுத்தது.

மேலும் படிக்க | ’டாஸ்மாக் நிறுவனத்தில் 1000 கோடி முறைகேடு! ஊழல் இலக்கியமே எழுதலாம்!’ திமுக அரசுக்கு எதிராக விஜய் அறிக்கை!

வரும் நாட்களிலும், டாஸ்மாக் முறைகேடு தொடர்பான விவகாரத்தை பெரிய அளவில் கையில் எடுக்க தமிழக பாஜக முடிவு செய்துள்ளதாக தகவல்கள் தெரிவிக்கின்றன. இதற்கிடையில் நேற்று மாலை, அமைச்சர் செந்தில் பாலாஜி அவசரமாக டெல்லி சென்று, இன்று காலை சென்னை திரும்பியிருந்தார். அந்த பயணம் தொடர்பாக பல்வேறு தகவல்கள் வெளியாகி வரும் நிலையில், இன்று சென்னை உயர்நீதிமன்றத்தில் டாஸ்மாக் நிர்வாகம் சார்பில் மனுத்தாக்கல் செய்யப்பட்டுள்ளது.

மேலும் படிக்க | தமிழ்நாடு பட்ஜெட் 2025: ஆயிரம் கோடி டாஸ்மாக் ஊழல்! பேரவையில் அதிமுக அமளி! சபாநாயகருடன் ஈபிஎஸ் வாக்குவாதம்!

செய்தி குறிப்பு வெளியிட்டதோடு, அமலாக்கத்துறையின் அடுத்த கட்ட நடவடிக்கை என்ன? என்கிற கேள்வி எழுந்துள்ளது. ஒருபுறம் பாஜகவின் போராட்டம், மற்றொரு புறம் டாஸ்மாக் நிர்வாகத்தின் சட்ட நடவடிக்கை, மற்றொரு புறம் அமலாக்கத்துறையின் அடுத்த நிலை என்ன? என்கிற முக்கோண எதிர்பார்ப்பில் டாஸ்மாக் முறைகேடு விவகாரம் நகர்ந்து கொண்டிருக்கிறது.

Stalin Navaneethakrishnan

பா.ஸ்டாலின் நவநீதகிருஷ்ணன், இந்துஸ்தான் டைம்ஸ் தமிழ் இணையதளத்தின் தலைமை ஆசிரியராக உள்ளார். 23 ஆண்டுகளுக்கு மேல் அச்சு ஊடகம், காட்சி ஊடகம் மற்றும் டிஜிட்டல் ஊடகங்களில் பணியாற்றிய தேர்ந்த அனுபவம் மிக்கவர். இணையத்தின் முழு செயல்பாட்டை கண்காணிப்பதுடன், அனைத்து துறைகள் சார்ந்த கட்டுரைகளையும் எழுதுகிறார். மதுரை காமராஜர் பல்கலை கழகத்தில் பட்டம் முடித்துள்ள இவர், சிவகங்கை மாவட்டம் மானாமதுரையைச் சேர்ந்தவர். தினபூமி, தினமலர், நியூஸ் 18, ஏபிபி நாடு நிறுவனங்களைத் தொடர்ந்து 2022ல் இந்துஸ்தான் டைம்ஸ் நிறுவனத்தில் இணைந்தார். திரைக்கதை எழுதுவது, இசை கேட்பது இவரது பொழுதுபோக்கு.