CSK vs MI Tickets: சென்னை - மும்பை போட்டிக்கு டிக்கெட் வேணுமா? எப்படி வாங்குறது? என்ன விலை?

<p>நடப்பாண்டிற்கான ஐபிஎல் போட்டி வரும் 22ம் தேதி கொல்கத்தாவில் தாெடங்குகிறது. ஐபிஎல் தொடரின் முதல் போட்டியில் கொல்கத்தா - ஆர்சிபி அணிகள் மோதும் நிலையில், இரண்டாவது போட்டியில் சென்னை - மும்பை அணிகள் மோதுகின்றன. இந்த இரு அணிகளும் மோதும் இந்த போட்டி வரும் ஞாயிற்றுக்கிழமை சென்னை சேப்பாக்கம் மைதானத்தில் நடக்கிறது.</p> <p>சேப்பாக்கம் மைதானத்தில் நடக்கும் இந்த போட்டிக்கான டிக்கெட் விற்பனை எப்போது தொடங்குகிறது? எப்படி வாங்குவது? டிக்கெட் விலை? என்ன என்பதை கீழே காணலாம்.&nbsp;</p> <h2><strong>விற்பனை எப்போது தொடக்கம்?</strong></h2> <p>சிஎஸ்கே - மும்பை இந்தியன்ஸ் அணிகளுக்கு இடையேயான போட்டிக்கான டிக்கெட் விற்பனை வரும் 19ம் தேதி ( நாளை மறுநாள்) காலை 10.15 மணிக்கு தொடங்குகிறது. இந்த டிக்கெட் விற்பனை இணையதளம் மூலமாக நடக்கிறது.&nbsp;</p> <h2><strong>எப்படி வாங்குவது?</strong></h2> <p>சிஎஸ்கே - மும்பை இந்தியன்ஸ் அணிகள் மோதும் போட்டிக்கான டிக்கெட் chennaisuperkings.com, district.in ஆகிய இரு இணையதளங்கள் மூலமாக வாங்கலாம்.</p> <h2><strong>டிக்கெட் விலை என்ன?</strong></h2> <p>சி/டி/ இ லோயர் - ரூபாய் 1700</p> <p>ஐ/ஜே/ கே அப்பர் - ரூபாய் 2500</p> <p>சி/டி/இ அப்பர் - ரூபாய் 3,500</p> <p>ஐ/ஜே/கே லோயர் - ரூபாய் 4000</p> <p>கே.எம்.கே. டெர்ரஸ் - ரூபாய் 7 ஆயிரத்து 500</p> <p>ரசிகர்கள் நேரில் டிக்கெட்டுகளை வாங்க வருவதன் காரணமாக கடும் கூட்ட நெரிசல் ஏற்படுவதால் அந்த சிரமத்தை தவிர்ப்பதற்காக இணையதளம் மூலமாக டிக்கெட் விற்பனை நடத்தப்படுகிறது.&nbsp;</p> <h2><strong>5 முறை சாம்பியன்</strong></h2> <p>ஐபிஎல் தொடரின் 5 முறை சாம்பியன்களான சென்னை - மும்பை ஆகிய இரு அணிகளும் நேருக்கு நேர் மோதுவதாலும் ரோகித் - தோனி இல்லாமல் ருதுராஜ் - பாண்ட்யா கேப்டன்களாக களமிறங்குவதாலும் இந்த போட்டி மீது மிகுந்த எதிர்பார்ப்பு ஏற்பட்டுள்ளது.</p> <p>சென்னை அணியில் தோனி, ருதுராஜ் கெய்க்வாட், ஜடேஜா, கான்வே, அஸ்வின், ஷிவம் துபே ஆகியோர் உள்ளனர். மும்பை அணியில் ரோகித் சர்மா, பாண்ட்யா, பும்ரா, போல்ட், வில் ஜேக்ஸ் உள்ளிட்ட பலர் உள்ளனர்.&nbsp;</p> <p>சேப்பாக்கம் மைதானத்தில் நடக்கும் இந்த போட்டியை காண ஆயிரக்கணக்கான ரசிகர்கள் குவிவார்கள். போட்டியை காண வரும் ரசிகர்கள் தங்கள் வாகனங்களை சென்னை பல்கலைக்கழகம், கலைவாணர் அரங்கம் ஆகிய இடங்களில் நிறுத்திக் கொள்ளலாம் என்று அறிவிக்கப்பட்டுள்ளது.&nbsp;</p> <p><strong>தோனியின் கடைசி சீசனா?</strong></p> <p>தோனியின் கடைசி சீசனாக இந்த ஐபிஎல் இருக்கலாம் என்று கருதப்படுகிறது. 45 வயதான தோனியை கோப்பையுடன் வழியனுப்ப வேண்டும் என்று சென்னை அணியின் ரசிகர்களும், சென்னை அணியும் விரும்புவதாக கூறப்படுகிறது. வழக்கமாக சென்னை - மும்பை அணிகள் மோதும் போட்டி என்றாலே பரபரப்புக்கும், விறுவிறுப்புக்கும் பஞ்சம் இருக்காது.&nbsp;சுழலுக்கு ஒத்துழைக்கும் சென்னை மைதானத்தில் பேட்டிங் பலம் கொண்ட மும்பை அணி கடும் சவால் அளிக்கும் என்றே கருதப்படுகிறது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/entertainment/bahubali-completed-10-years-and-rerelase-on-coming-june-218737" width="631" height="381" scrolling="no"></iframe></p>