வீடியோ எடுத்த ரசிகரின் செல்போனை அபேஸ் செய்த ஹீரோ

சென்னை: வீடியோ எடுத்த ரசிகரின் செல்போனை பறித்துக்கொண்டார் மலையாள நடிகர் உன்னி முகுந்தன். தமிழில் கடந்த ஆண்டு வெளிவந்த சூரி நடித்த ‘கருடன்’ திரைப்படத்தில் உன்னி முகுந்தன் வில்லனாக நடித்திருந்தார். மேலும் சமீபத்திய ப்ளாக் பஸ்டர் ஹிட்டான ‘மார்கோ’ இவரை மிரட்டலான ஆக்ஷன் ஹீரோவாக காட்டியது. ‘மார்கோ’ பான் இந்தியா படத்தின் வெற்றியை தொடர்ந்து உன்னி முகுந்தன் நடிப்பில் வெளிவந்துள்ள திரைப்படம்தான் ‘கெட் செட் பேபி’ மலையாள படம். இப்படம் கடந்த 21ம் தேதி வெளிவந்தது. இந்த நிலையில், பிரபல திரையரங்கில் படம் பார்க்க வந்த நடிகர் உன்னி முகுந்தன் ரசிகரின் செயலால் கடுப்பாகி அவருடைய போனை பறித்துக் கொண்டார். தன் முகத்துக்கு முன் போனை வைத்து அந்த ரசிகர் வீடியோ எடுத்து வந்ததால் கடுப்பான உன்னி முகுந்தன் இப்படி செய்துள்ளார். அந்த போனை பறித்துக்கொண்டு தனது சட்டை பாக்கெட்டில் அவர் போட்டுக்கொண்டார். கடைசி வரை அதை ரசிகருக்கு திருப்பியே தரவில்லை. இதனால் அந்த ரசிகர் அதிர்ச்சியடைந்தார். இந்த வீடியோ தற்போது இணையத்தில் வைரலாகி வருகிறது.