பட்ஜெட்டை பாராட்டிய ப.சிதம்பரம்... நன்றி தெரிவித்த அமைச்சர் தங்கம் தென்னரசு

சென்னை,

தமிழ்நாடு நிதி அமைச்சர் தங்கம் தென்னரசு தனது எக்ஸ் வலைதளத்தில் கூறியிருப்பதாவது:-

இந்திய ஒன்றியத்தின் முன்னாள் நிதி மந்திரியும், நாடாளுமன்ற மாநிலங்களை உறுப்பினருமான, ப. சிதம்பரம் அவர்கள், தமிழ்நாடு அரசின் பட்ஜெட் 2025 - 2026 குறித்துப் பாராட்டியிருப்பது மகிழ்ச்சியளிக்கிறது.

தமிழ்நாடு அரசின் நிதிப் பற்றாக்குறையை 3 சதவிகிதமாகக் குறைத்துள்ளதனையும், வருவாய் பற்றாக்குறையை 41,635 கோடியாகக் குறைத்ததையும் சுட்டிக்காட்டிப் பாராட்டியுள்ளார்.

ஒரு அரசின் முதலீட்டு அளவை பொறுத்தே வளர்ச்சி இருக்கும் என்பதை உணர்ந்து, தமிழ்நாடு அரசு தனது முதலீட்டு அளவை 22.4 சதவீதம் அதிகரித்துள்ளதைக் குறிப்பிட்டு தமிழ்நாடு முதல்-அமைச்சர் மு.க.ஸ்டாலின் அவர்களைச் சிறப்பாக வாழ்த்தி உள்ளார். ப.சிதம்பரம் அவர்களுக்கு எனது நெஞ்சார்ந்த நன்றியைத் தெரிவித்துக்கொள்கிறேன்.

இவ்வாறு அதில் தெரிவிக்கப்பட்டுள்ளது.