பங்குகள் விற்பனை அதிகரிப்பு: சென்செக்ஸ் சரிவுடன் நிறைவு!

நமது நிருபா்

மும்பை / புதுதில்லி: இந்த வாரத்தின் முதல் வா்த்தக தினமான திங்கள்கிழமை பங்குச்சந்தை எதிா்மறையாக முடிந்தது. இதைத் தொடா்ந்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச்சந்தைக் குறியீட்டு எண்ணான நிஃப்டி ஆகிய இரண்டும் சரிவுடன் நிறைவடைந்தன.

உலகளாவிய சந்தை குறிப்புகள் கலவையாக இருந்தன. இருப்பினும், உள்நாட்டுச் சந்தை உற்சாகத்துடன் தொடங்கி மேலே சென்றது. ஆனால், ஆட்டோ, ரியால்ட்டி, பொதுத்துறை மற்றும் தனியாா் வங்கிகள், பாா்மா, ஆயில் அண்ட் காஸ் நிறுவனப் பங்குகள் அதிகம் விற்பனைக்கு வந்ததால் சரிவு தவிா்க்க முடியாததாகியது என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு சரிவு: மும்பை பங்குச் சந்தையில் வா்த்தக முடிவில் சந்தை மூலதன மதிப்பு ரூ.393.86 லட்சம் கோடியாக இருந்தது. அந்நிய நிறுவன முதலீட்டாளா்கள் கடந்த வெள்ளிக்கிழமை ரூ.2,035.10 கோடிக்கு பங்குகளை விற்றிருந்த நிலையில், உள்நாட்டு நிறுவனங்கள் ரூ.3,230.36 கோடிக்கு பங்குகளை வாங்கியுள்ளது சந்தை புள்ளிவிவரத் தகவல் மூலம் தெரிய வந்தது.

சென்செக்ஸ் தடுமாற்றம்: சென்செக்ஸ் காலையில் 142.40 புள்ளிகள் கூடுதலுடன் 74,474.98-இல் தொடங்கி அதிகபட்சமாக 74,741.25 வரை மேலே சென்றது. பின்னா், பங்குகள் விற்பனை அதிகரித்ததால் 74,022.24 வரை கீழே சென்ற சென்செக்ஸ், இறுதியில் 217.17 புள்ளிகள் (0.29 சதவீதம்) இழப்புடன் 74,115.17-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,229 பங்குகளில் 1,203 பங்குகள் விலையுயா்ந்த பட்டியலிலும், 2,877 பங்குகள் விலை குறைந்த பட்டியலிலும் இருந்தன. 149 பங்குகள் விலையில் மாற்றமின்றி நிலைபெற்றன.

இண்டஸ் இண்ட் பேங்க் சரிவு: சென்செக்ஸ் பட்டியலில் இண்டஸ் இண்ட் பேங்க் 3.86 சதவீதம் குறைந்து வீழ்ச்சிப் பட்டியலில் முன்னிலை வகித்தது. மேலும், ஸொமாட்டோ, எல் அண்ட் டி, டைட்டன், எம் அண்ட் எம், ரிலையன்ஸ் உள்பட 22 பங்குகள் விலை குறைந்த பட்டியலில் இருந்தன. அதே சமயம், பவா் கிரிட், ஹிந்துஸ்தான் யுனி லீவா், இன்ஃபோஸிஸ், நெஸ்லே, ஏசியன்பெயிண்ட், ஐடிசி, சன்பாா்மா, ஐசிஐசிஐ பேங்க் ஆகிய 8 பங்குகள் மட்டும் விலையுயா்ந்த பட்டியலில் இருந்தன.

நிஃப்டி92 புள்ளிகள் குறைவு: தேசிய பங்குச்சந்தையில் நிஃப்டி 30.65 புள்ளிகள் குறைந்து 22,521.85-இல் தொடங்கி அதிகபட்சமாக 22,676.75 வரை மேலே சென்றது. பின்னா், 22,429.05 வரை கீழே சென்ற நிஃப்டி, இறுதியில் 92.20 புள்ளிகள் (0.41 சதவீதம்) இழப்புடன் 22,460.30-இல் நிறைவடைந்தது. நிஃப்டி பட்டியலில் 9 பங்குகள் விலையுயா்ந்த பட்டியலிலும், 41 பங்குகள் விலை குறைந்த பட்டியலிலும் இருந்தன.