சர்வதேச நிலவரங்களால் கடந்த சில மாதங்களாக இந்திய பங்குச் சந்தைகள் தள்ளாடி வருகின்றன. இந்த சூழ்நிலையில், இந்திய ஐடி துறை அதன் சொந்த சரிவை சந்தித்து வருகிறது. இன்போசிஸ்,டிசிஎஸ் மற்றும் விப்ரோ போன்ற நிறுவனங்கள் தற்போது பல்வேறு சவால்களை எதிர்கொண்டு இருக்கலாம். இந்த ஆண்டு தொடக்கம் முதல் இதுவரையிலான காலத்தில் நிப்டி ஐடி இன்டெக்ஸ் 17 சதவீதம் சரிவு கண்டுள்ளது. அதேசமயம் இதே காலத்தில் நிப்டி 100 இன்டெக்ஸ் 7 சதவீதம் மட்டுமே சரிவு கண்டுள்ளது.

இப்போது இந்திய ஐடி நிறுவனங்கள் எதிர்கொள்ளும் சவால்களுக்கு முக்கிய காரணமாக சர்வதேச நிலவரங்கள் அமைந்துள்ளன. ஏனென்றால் இந்தியாவில் உள்ள பெரும்பாலான ஐடி நிறுவனங்கள் தங்கள் சேவைகளை சர்வதேச நாடுகளுக்கு குறிப்பாக அமெரிக்கா மற்றும் ஐரோப்பாவுக்கு ஏற்றுமதி செய்வதன் வாயிலாக வருவாய் ஈட்டி வருகின்றன.

எனவே மேற்கத்திய நாடுகளில் நிலவும் நிலையற்ற தன்மையால் இந்திய ஐடி நிறுவனங்கள் சிறிது பாதிக்கப்படலாம். உதாரணமாக, இந்தியா மீது பரஸ்பர விதிக்கும் டொனால்ட் டிரம்பின் திட்டம்.

இந்தியாவுக்கும்,மேற்கத்திய நாடுகளுக்கும் இடையிலான மலிவான பணியாளர்கள் காரணமாக இந்திய ஐடி நிறுவனங்கள் செழித்துள்ளன. அதாவது, இங்கு குறைந்த ஊதியத்தில் வேலைபார்ப்பவர்கள் இருப்பதால், உங்களின் தேவையை குறைந்த செலவில் செய்து கொடுக்க முடியும் என்று மேற்கத்திய நிறுவனங்களிடமிருந்து ஒப்பந்தங்களை இந்திய ஐடி நிறுவனங்களால் வாங்க முடிந்தது.

ஆனால் டிரம்ப் வரி விதித்தால், அது இந்திய நிறுவனங்களின் போட்டி பலனை இழக்கச் செய்யும். மேலும் டிரம்ப் குடியேற்றத்தையும் இறுக்கி வருகிறார். இது ஐடி நிறுவனங்களுக்கு விஷயங்களை மேலும் சிக்கலாக்கப் போகிறது.

இது தவிர அமெரிக்க பொருளாதாரமும் நல்ல நிலையில் இல்லை. முன்னதாக பங்குச் சந்தைகள் ஒரு சுமூகமான பொருளாதார மாற்றத்தை எதிர்பார்த்தன. இது வட்டி விகிதங்களை குறைக்கவும் ஐடி செலவினங்களை அதிகரிக்கவும் அனுமதித்தது. இருப்பினும் அமெரிக்காவில் பணவீக்கம் இன்னும் அதிகமாக இருப்பதாலும்,டிரம்பின் கொள்கைகள் நிச்சயமற்ற தன்மையை சேர்ப்பதாலும் வட்டி விகிதங்கள் சிறிது காலத்துக்கு உயர்ந்தே இருக்கக்கூடும்.

அமெரிக்க அரசு பத்திரங்கள் வருமானம் ஏற்கனவே 3.6 சதவீதத்திலிருந்து 4.8 சதவீதமாக உயர்ந்துள்ளது. ஒட்டுமொத்தமாக ஐடி துறை இப்போது ஏஐ மற்றும் புதிய கிளவுட் தொழில்நுட்பங்களுக்கு ஏற்றவாறு மாறி வருகிறது. இதன் பொருள் அடுத்த அலை தேவை தொடங்குவதற்கு முன் தற்காலிக மந்தநிலை ஏற்படும்.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.