நாளை முக்கிய அறிவிப்பு வெளியாகிறது: முதல்-அமைச்சர் மு.க.ஸ்டாலின்

சென்னை,

முதல்-அமைச்சர் மு.க.ஸ்டாலின் வெளியிட்டுள்ள எக்ஸ் தளப்பதிவில் கூறப்பட்டிருப்பதாவது:-

"நாளை முக்கிய அறிவிப்பொன்று வெளியாகிறது. வாய்ப்புள்ளோர் வருகை தாருங்கள்! மற்றவர்கள் நேரலையில் காண வேண்டும்" என்று தெரிவித்துள்ளார். மேலும் நிதித்துறை அமைச்சர் தங்கம் தென்னரசு எக்ஸ் தளப்பதிவையும் ரி-டுவீட் செய்துள்ளார்.

நிதித்துறை அமைச்சர் தங்கம் தென்னரசு எக்ஸ் தளப்பதிவில் கூறப்பட்டிருப்பதாவது:-

"இந்தியத் துணைக் கண்ட வரலாற்றின் கண்ணோட்டத்தை மாற்றி அமைக்கும் 'இரும்பின் தொன்மை' எனும் நூலை வெளியிட்டு கீழடி திறந்தவெளி அருங்காட்சியகம், கங்கைகொண்ட சோழபுரம் அருங்காட்சியகம் ஆகியவற்றுக்கு அடிக்கல் நாட்டுதல் மற்றும் கீழடி இணையதளத்தை தமிழ்நாடு முதல்-அமைச்சர் மு.க.ஸ்டாலின் தொடங்கி வைக்கும் நிகழ்வு நாளை (23.01.2025) அன்று காலை 10 மணி அளவில் அண்ணா நூற்றாண்டு நூலக அரங்கில் நடை பெற உள்ளது. அனைவரும் வருக."

இவ்வாறு அதில் கூறப்பட்டுள்ளது.