தொப்பையை குறைக்க... வரகரிசி + சாமை அரிசி + முருங்கைக்கீரை கஞ்சி!

காலை உணவாக வரகரிசி மற்றும் சாமை அரிசியைக் கொண்டு, அத்துடன் முருங்கைக்கீரை சேர்த்து கஞ்சி செய்யுங்கள். இந்த கஞ்சி சுவையாக இருப்பதோடு, சத்தானதும் கூட. வேகமாக உடல் எடையையும், தொப்பையையும் குறைக்க உதவி புரியும்.

தேவையான பொருட்கள்:

• வரகரிசி - 100 கிராம்

• சாமை அரிசி - 100 கிராம்

• பாசிப்பருப்பு - 100 கிராம்

• தண்ணீர் - 8 கப்

• சின்ன வெங்காயம் - 12 (பொடியாக நறுக்கியது)

• பூண்டு - 8 பல் (பொடியாக நறுக்கியது)

• பெரிய தக்காளி - 1 (பொடியாக நறுக்கியது)

• எலுமிச்சை - பாதி

• சீரகம் - 1 டீஸ்பூன்

• மிளகாய் தூள் - 1 டீஸ்பூன்

• மிளகுத் தூள் - 1/2 டீஸ்பூன்

• சோம்புத் தூள் - 1/2 டீஸ்பூன்

• உப்பு - சுவைக்கேற்ப

• மஞ்சள் தூள் - 1/2 டீஸ்பூன்

• முருங்கைக்கீரை - 1 கைப்பிடி

செய்முறை:

• முதலில் ஒரு பாத்திரத்தில் வரகரிசி மற்றும் சாமை அரிசியை எடுத்து, அத்துடன் பாசிப்பருப்பையும் சேர்த்து நீர் ஊற்றி 2 முறை கழுவிவிட்டு, பின் சுத்தமான நீரை ஊற்றி 1/2 மணிநேரம் ஊற வைக்க வேண்டும்.

• 1/2 மணிநேரம் கழித்து, அரிசி மற்றும் பருப்பை கழுவிவிட்டு, பின் அதை குக்கரில் அதில் 8 கப் நீரை ஊற்ற வேண்டும்.

• அதன் பின் அதில் நறுக்கிய சின்ன வெங்காயம், பூண்டு பற்கள், நறுக்கிய தக்காளியை சேர்க்க வேண்டும்.

• அதில் மிளகாய் தூள், மிளகுத் தூள், சோம்புத் தூள், சுவைக்கேற்ப உப்பு மற்றும் மஞ்சள் தூள் சேர்த்து நன்கு கிளறி விட வேண்டும்.

• குக்கரை மூடி உயர் தீயில் 1 விசில் விட்டு, பின் குறைவான தீயில் 2 - 3 விசில் விட்டு இறக்க வேண்டும்.

• விசில் போனதும் குக்கரைத் திறந்து நன்கு கிளறி விட வேண்டும். கஞ்சி மிகவும் கெட்டியாக இருந்தால், சுடுநீரை தேவையான அளவு ஊற்றி கிளறி விட வேண்டும்.

• பின் அதில் 1 கைப்பிடி முருங்கைக்கீரையை சேர்த்து, குக்கரை அப்படியே அடுப்பில் வைத்து 5 நிமிடம் கொதிக்க வைத்து இறக்கி, எலுமிச்சை சாற்றினை சேர்த்து கலந்து பரிமாறினால்...

சுவையான சிறுதானிய முருங்கைக்கீரை கஞ்சி தயார்...