சென்னையில் பாடகி சித்ரா இசை நிகழ்ச்சி

சென்னை: திரையுலகில் 47 வருடங்களைக் கடந்து, 20 ஆயிரத்துக்கும் மேற்பட்ட பாடல்களைப் பாடி, ரசிகர்கள் மனதில் நீங்காத இடத்தைப் பிடித்தவர் சித்ரா (61). அவரை ‘சின்னக்குயில் சித்ரா’ என்று மக்கள் அன்புடன் அழைக்கின்றனர். இந்நிலையில், முதல்முறையாக அவர் இசை நிகழ்ச்சி நடத்துகிறார். ‘டைம்லெஸ் மெலோடிஸ் ஆஃப் எ லைஃப்டைம்: கே.எஸ்.சித்ரா லைவ் இன் கான்சர்ட்’ என்று பெயரிடப்பட்டுள்ள இந்நிகழ்ச்சி, சென்னை நந்தனம் ஒய்எம்சிஏ மைதானத்தில், வரும் பிப்ரவரி 8ம் தேதி மாலை நடக்கிறது. இது குறித்து சித்ரா பேசுகையில், ‘இதுவரை நான் ஏராளமான இசை நிகழ்ச்சிகளில் பங்கேற்று பாடியுள்ளேன். ஆனால், இந்நிகழ்ச்சியை என்னைக் கொண்டாடி கவுரவிக்கும் நிகழ்ச்சியாக ஒருங்கிணைத்துள்ளனர்’ என்றார். இ லான்ச் ஈவென்ட்ஸ், நாய்ஸ் அன்ட் கிரைன்ஸ், கனரா வங்கி இணைந்து இந்நிகழ்ச்சியை நடத்துகின்றன.