சுதா கொங்காரா இயக்கத்தில் சிவகார்த்திகேயன் நடித்து வரும் படத்துக்கு ‘பராசக்தி’ எனப் பெயரிட்டுள்ளனர்.

சுதா கொங்காரா இயக்கத்தில் சிவகார்த்திகேயன், ஜெயம் ரவி, அதர்வா, ஸ்ரீலீலா உள்ளிட்ட பலர் நடிக்கும் படத்தின் படப்பிடிப்பு சென்னையில் படப்பூஜையுடன் தொடங்கப்பட்டது. இதனை ஆகாஷ் பாஸ்கரன் பெரும் பொருட்செலவில் தயாரித்து வருகிறார். இப்படம் ஜி.வி.பிரகாஷ் இசையில் உருவாகும் 100-வது படமாகும். அதுமட்டுமன்றி சிவகார்த்திகேயன் நடிப்பில் உருவாகும் 25-வது படம் என்பது குறிப்பிடத்தக்கது.

தற்போது இப்படத்துக்கு ‘பராசக்தி’ எனத் தலைப்பிட்டுள்ளது உறுதியாகி இருக்கிறது. இதன் அறிமுக டீசரை படக்குழு தணிக்கை செய்திருக்கிறது. அதில் ‘பராசக்தி’ என்ற பெயருடன் செய்திருக்கிறார்கள். இதன் மூலம் ‘பராசக்தி’ தான் படத்தின் தலைப்பு என்பது உறுதியாகி இருக்கிறது.

சிவகார்த்திகேயனின் பிறந்த நாளான பிப்ரவரி 17-ம் தேதி வெளியிடலாம் என்று படக்குழு திட்டமிட்டு பணிகளைத் தொடங்கியது. ஆனால், படத்தின் தலைப்பு வெளியாகிவிட்டதால் தற்போது அடுத்த வாரமே டீசரை வெளியிடலாம் என்று முடிவு செய்திருக்கிறார்கள். இதன் டீசர் அறிமுக படப்பிடிப்பு முடிவடைந்து, முழுவீச்சில் படப்பிடிப்பு நடைபெற்று வருகிறது.

சில தினங்களுக்கு முன்பு ஒரு பிரம்மாண்டமான பாடல் ஒன்றை படமாக்கி இருக்கிறது படக்குழு. மேலும், இப்படத்தினை ஆகாஷ் பாஸ்கரன் வழங்க சுதா கொங்காராவே முதல் பிரதி அடிப்படையில் தயாரித்து வருவது குறிப்பிடத்தக்கது.