இதற்கிடையே, இந்திய கிரிக்கெட் அணியின் மற்றிரு தொடக்க ஆட்டக்காரர் சஞ்சு சாம்சன் முதல் ஓவரிலேயே அதிரடியாக விளையாடி இங்கிலாந்து பந்துவீச்சை சிதறடித்தார்.

இங்கிலாந்து பந்துவீச்சாளர் ஜோஃப்ரா ஆர்ச்சர் முதல் ஓவரை வீசிய நிலையில், முதல் பந்து மற்றும் ஐந்தாவது பந்தில் இரண்டு சிக்சர்கள் அடித்தார்.

இதன் மூலம் சர்வதேச டி20 கிரிக்கெட்டில் முதல் பந்திலேயே சிக்சர் அடித்த மூன்றாவது இந்திய வீரர் என்ற பெருமையை சஞ்சு சாம்சன் பெற்றுள்ளார்.

முன்னதாக, ரோஹித் ஷர்மா 2021லும், யஷஸ்வி ஜெய்ஸ்வால் 2024லும் இந்த சாதனையை படைத்தது குறிப்பிடத்தக்கது.

எனினும் 16 ரன்கள் எடுத்திருந்த போது சஞ்சு சாம்சன் அவுட்டாகி வெளியேறினார்.

சர்வதேச டி20 கிரிக்கெட்டில் இந்திய அணியின் அதிகபட்ச பவர்பிளே ஸ்கோரும் இந்த போட்டியில் பதிவு செய்யப்பட்டுள்ளது.

முன்னதாக, 2021இல் ஸ்காட்லாந்திற்கு எதிராக துபாயில் நடந்த போட்டியில் 82/2 ரன்கள் எடுத்திருந்த நிலையில், அதை முறியடித்து இந்த போட்டியில் பவர்பிளே முடிவில் 95/1 ரன்கள் எடுக்கப்பட்டது.

2024இல் ஹைதராபாத்தில் வங்கதேச கிரிக்கெட் அணிக்கு எதிராகவும் இந்திய அணி 82/1 எடுத்திருந்தது குறிப்பிடத்தக்கது.