சட்டவிரோத குடியேறிகளுக்கு இனி ராணுவ விமானம் இல்லை

வாஷிங்டன்: அமெரிக்காவில் சட்டவிரோதமாக குடியேறியவர்களை வெளியேற்ற இனி ராணுவ விமானம் பயன்படுத்தப்பட மாட்டாது; ராணுவ விமானத்தை பயன்படுத்துவதால் அரசுக்கு கூடுதல் செலவு ஆவதால் பயணிகள் விமானம் மூலம் அனுப்ப அமெரிக்கா முடிவு செய்துள்ளது. சட்டவிரோதமாக குடியேறியவர்களை மார்ச் 1ம் தேதி ராணுவ விமானம் மூலம் அவர்களது நாட்டுக்கு அமெரிக்கா அனுப்பியது. சட்டவிரோதக் குடியேறிகளை இனிமேல் ராணுவ விமானத்தில் ஏற்றி அனுப்புவதில்லை என்று அமெரிக்க அரசு முடிவு செய்தது. அமெரிக்காவிலிருந்து குவாத்தமாலாவுக்கு ராணுவ விமானத்தில் ஒருவரை அழைத்துச் செல்ல ரூ.4,07,374 செலவு ஆவதாக தகவல் வெளியாகியுள்ளது. அதே நேரத்தில் அமெரிக்காவில் இருந்து பயணிகள் விமானம் மூலம் குவாத்தமாலா செல்ல ஒரு நபருக்கு ரூ.74,330தான் செலவு ஆகிறது. பயணிகள் விமானத்தைவிட நபர் ஒருவருக்கு 5 மடங்கு அதிக செலவு ஆவதை தடுக்கவே ராணுவ விமானத்தை தவிர்க்க முடிவு செய்துள்ளது.

The post சட்டவிரோத குடியேறிகளுக்கு இனி ராணுவ விமானம் இல்லை appeared first on Dinakaran.