By Nantha Kumar R

Updated: Saturday, March 22, 2025, 6:47 [IST]

பெங்களூர்: கர்நாடகா மாநிலம் பெலகாவி மாவட்டத்துக்கு மகாராஷ்டிரா உரிமை கோரி வருகிறது. இந்த பெலகாவி மாவட்டம் கர்நாடகா - மகாராஷ்டிரா எல்லையில் அமைந்துள்ளது. கடந்த பிப்ரவரி மாதம் கர்நாடகா அரசு போக்குவரத்து கழகத்துக்கு சொந்தமான பஸ்சில் பெலகாவியில் இருந்து பாலேகுந்திரி என்ற இடத்துக்கு சென்று கொண்டிருந்தது.

அப்போது பஸ்சில் இருந்த பெண் ஒருவர் மராத்தியில் பேசி டிக்கெட் கேட்டார். அதற்கு கண்டக்டர் மகாதேவ் ஹுக்கேரி, ‛‛எனக்கு மராத்தி மொழி தெரியாது. கன்னடத்தில் பேசுங்கள்'' என்று கூறினார்.

இது இருவருக்கும் இடையே வாக்கு வாதத்தை ஏற்படுத்தியது. அப்போது மராத்தி மொழி பேசுவோர் கண்டக்டர் மகாதேவ்
ஹுக்கேரியை தாக்கினர். இதனை கன்னட அமைப்பினர் கொந்தளித்ததோடு, கடும் எதிர்ப்பு தெரிவித்தனர்.

இந்த சம்பவத்தை கண்டித்தும், பெலகாவியில் செயல்பட்டு வரும் மகாராஷ்டிரா ஏகிகிரண் சமிதி என்ற மராத்திய அமைப்பு உள்பட பிற அமைப்புகளை தடை செய்ய வேண்டும் என்றும், கர்நாடகா - மகாராஷ்டிரா எல்லையில் உள்ள பெலகாவி மாவட்டத்தில் கன்னட மக்களின் பாதுகாப்பு மற்றும் உரிமையை காக்க வேண்டும் என்பதை வலியுறுத்தி இன்று கன்னட அமைப்பினர் பெங்களூர் உள்பட மாநிலம் முழுவதும் பந்த் போராட்டத்தை அறிவித்துள்ளனர்.

இன்று காலை 6 மணிக்கு தொடங்கிய பந்த் போராட்டம் இன்று மாலை 6 மணி வரை 12 மணிநேரம் நடைபெற உள்ளது. இந்த பந்த் போராட்டம் குறித்த லைவ் அப்டேட்டுகள் வருமாறு: