ஒரு லட்சம் கார்கள் விற்பனை என்ற புதிய மயில்கல்லை எட்டியது ஹோண்டா எலிவேட்

ஜப்பானிய வாகன நிறுவனமான ஹோண்டா கார்ஸ் இந்தியா, உலகளாவிய எஸ்யூவி மாடலான ஹோண்டா எலிவேட்டின் மொத்த விற்பனை ஒரு லட்சம் மைல்கல்லை தாண்டியுள்ளது. எலிவேட் இந்தியாவில் மட்டுமே தயாரிக்கப்பட்ட வாகன மாடல் ஆகும். தற்போது ராஜஸ்தானில் உள்ள தபுகரையில் உள்ள எச்.சி.ஐ.எல்-ன் உற்பத்தி ஆலையில் இது தயாரிக்கப்படுகிறது. ஜனவரி 2025 வரை, நிறுவனம் இந்தியாவில் எலிவேட்டின் 53,326 யூனிட்களை விற்பனை செய்துள்ளது. ஜப்பான், தென்னாப்பிரிக்கா, நேபாளம், பூட்டான் உள்ளிட்ட நாடுகளுக்கு 47,653 யூனிட்களை ஏற்றுமதி செய்துள்ளது.

செப்டம்பர் 23-ல் இந்தியாவில் அறிமுகம் செய்யப்பட்ட ஹோண்டா எலிவேட் மிக விரைவாக சிறந்த விற்பனையாகும் மாடலாக மாறியது. ஜப்பானுக்கு ஏற்றுமதி செய்யப்படும் நிறுவனத்தின் முதல் 'மேட் இன் இந்தியா' மாடல் இதுவாகும். இது உலகளவில் அதன் வரம்பை விரிவுபடுத்துகிறது. இந்தியாவில் உற்பத்தி நடவடிக்கைகளில் இருந்து உலகத் தரம் வாய்ந்த கார்களை உற்பத்தி செய்வதற்கான ஹோண்டாவின் உறுதிப்பாட்டை இது வலுப்படுத்துகிறது. தற்போது ஹோண்டாவுக்கு அதிக ஏற்றுமதி பங்களிப்பை வழங்கும் மாடல் எலிவேட் ஆகும். 2023-24 நிதியாண்டில் ஹோண்டா எலிவேட்டின் ஏற்றுமதி தொடங்கிய பிறகு, 2023-24 நிதியாண்டில் (ஏப்ரல் 24-ஜனவரி 25 காலகட்டத்தில்) நிறுவனத்தின் ஏற்றுமதி வணிகம் 65% வளர்ச்சியடைந்துள்ளது. இந்த நிதியாண்டில் (ஏப்ரல் 24-ஜனவரி 25 காலகட்டத்தில்) 92% க்கும் அதிகமான வளர்ச்சியை எலிவேட் அடைய உதவியது.

'அர்பன் ஃப்ரீஸ்டைலர்' என்ற கருத்தில் உருவாக்கப்பட்ட ஹோண்டா எலிவேட்டில், மேம்பட்ட டிரைவர் உதவி அமைப்பு - ஹோண்டா சென்சிங் உள்ளிட்ட நவீன பாதுகாப்பு அம்சங்கள் உள்ளன. ஹோண்டாவின் உலகத் தரம் வாய்ந்த பாதுகாப்பு அம்சங்கள் இதில் கிடைக்கின்றன. வாடிக்கையாளர்களுக்கு பல்வேறு விருப்பங்களையும் தேர்வுகளையும் வழங்கும் வகையில், எச்.சி.ஐ.எல் எலிவேட்டின் அபெக்ஸ் எடிஷன் மற்றும் பிளாக் எடிஷனையும் அறிமுகப்படுத்தியது. இதற்கு வாடிக்கையாளர்களிடையே நல்ல வரவேற்பு கிடைத்தது. எலிவேட் E20 (20% எத்தனால் கலவை) பெட்ரோல் இணக்கமானது. இது நிலையான இயக்கத்திற்கான ஹோண்டாவின் உறுதிப்பாட்டையும், பசுமையான மற்றும் சுத்தமான போக்குவரத்துக்கு இந்தியாவின் மாற்றத்தை ஆதரிப்பதையும் எடுத்துக்காட்டுகிறது என்று நிறுவனம் கூறுகிறது.

ஹோண்டா எலிவேட் காருக்கு 1.5 லிட்டர் பெட்ரோல் எஞ்சின் உள்ளது. இந்த எஞ்சின் அதிகபட்சமாக 121 பிஎஸ் பவரையும், 145 என்எம் டார்க் திறனையும் உருவாக்குகிறது. இதனுடன், 6-ஸ்பீடு மேனுவல், சிவிடி ஆட்டோமேட்டிக் கியர்பாக்ஸின் தேர்வு உள்ளது. இதன் மைலேஜை பற்றி கூறினால், மேனுவல் டிரான்ஸ்மிஷனின் மைலேஜ் 15.31 கிலோமீட்டர் ஆகும். அதே நேரத்தில், சிவிடி வேரியண்டின் மைலேஜ் லிட்டருக்கு 16.92 கிலோமீட்டர் ஆகும். 458 லிட்டர் பூட் ஸ்பேஸ் ஹோண்டா எலிவேட் காருக்கு உள்ளது. ஹோண்டாவிலிருந்து வரும் இந்த சப் காம்பாக்ட் எஸ்யூவியின் கிரவுண்ட் கிளியரன்ஸ் 220 மிமீ ஆகும். காரின் கேபினில், வாடிக்கையாளர்களுக்கு 10.25 இன்ச் டச்ஸ்கிரீன் இன்ஃபோடெயின்மென்ட் சிஸ்டம், வயர்லெஸ் போன் சார்ஜ், சிங்கிள் பேன் சன்ரூஃப் ஆகியவை கிடைக்கும். இந்திய சந்தையில் ஹூண்டாய் கிரெட்டாவுடன் கியா செல்டோஸ் எஸ்யூவியோடும் ஹோண்டா எலிவேட் போட்டியிடுகிறது.