ARTICLE AD BOX
இனி ஐபிஎல் போட்டிகளை இலவசமாக பார்க்க முடியாது.. கண்டிப்பாக பணம் கட்டணும்! ஜியோ அறிவிப்பு
மும்பை: இந்தியாவின் மிகப் பெரிய விளையாட்டு தொடரான ஐபிஎல் போட்டிகள் இன்னும் சில நாட்களில் தொடங்கவுள்ளது. கடந்த இரண்டு ஆண்டுகளாக ஐபிஎல் போட்டிகளை இலவசமாகப் பார்க்கலாம் என ஜியோ அறிவித்திருந்த நிலையில், அது இப்போது முடிவுக்கு வருகிறது. இனி ஐபிஎல் போட்டிகளைப் பார்க்கக் கட்டாயம் கட்டணம் செலுத்த வேண்டும்.
ரிலையன்ஸ் நிறுவனம் இப்போது பெட்ரோலியத்தை தாண்டி பல்வேறு துறைகளில் கவனம் செலுத்தி வருகிறது. பல்வேறு துறைகளிலும் தனது மார்கெட்டை விரிவுபடுத்தி வருகிறது. அதன்படி டெலிகாம் மற்றும் ஒடிடி உள்ளிட்ட தளங்களில் இப்போது ஜியோ கவனம் செலுத்தி வருகிறது. அதற்கு தேவையான நடவடிக்கைகளையும் எடுத்து வருகிறது.

ஜியோ ஹாட்ஸ்டார்
இதற்காக ஜியோ நிறுவனம் ஜியோ சினிமாஸ் என்ற ஒடிடி தளத்தை உருவாக்கியது. ஐபிஎல் போட்டிகளில் டிஜிட்டல் உரிமையைப் பெற்ற ஜியோ, அவற்றை இலவசமாக ஒளிபரப்பியது. இதன் மூலம் கடந்த 2023 மற்றும் 2024ம் ஆண்டுகளில் ஐபிஎல் தொடரை எந்தவொரு கட்டணமும் இல்லாமல் ரசிகர்கள் பார்த்து ரசித்தனர். ஆனால், இப்போது அந்த நிலை மாறப் போகிறது.
ஐபிஎல் இலவசம் இல்லை
இதன் மூலம் இந்தியாவில் இலவச ஐபிஎல் ஸ்ட்ரீமிங்கிற்கு முற்றுப்புள்ளி வைக்கப்படுகிறது.. இந்தியாவில் ஒடிடி தளங்களில் அதிகம் பார்க்கப்பட்ட கன்கெண்டான ஐபிஎல் போட்டிகளை இனி பயனர்கள் பணம் செலுத்தியே பார்க்க வேண்டும். உரியச் சந்தை செலுத்துவோரால் மட்டுமே இனி ஸ்ட்ரீமிங் தளமான ஜியோ ஹாட்ஸ்டாரில் ஐபிஎல் போட்டிகளைப் பார்க்க முடியும் என அறிவிக்கப்பட்டுள்ளது.
ஜியோ ஹாட்ஸ்டார் ஹைபிரிட் மாடலுக்கு மாறியுள்ளது. அதாவது ஜியோ ஹாட்ஸ்டாரில் உள்ள குறிப்பிட்ட வீடியோக்கள் இலவசமாகப் பார்க்கலாம். ஆனால், குறிப்பிட்ட நேரம் முடிந்தவுடன் கட்டணம் செலுத்தியே பார்க்க வேண்டும். மேலும், ஐபிஎல் உள்ளிட்ட முக்கியமான நிகழ்ச்சிகளுக்குக் கட்டணம் செலுத்த வேண்டும் என்பது போல ஹைபிரிட் மாடலுக்கு மாறவுள்ளது.
ஐபிஎல் பார்க்க கட்டணம் செலுத்த வேண்டும்
கடந்த சில வாரங்களுக்கு முன்பே இந்தாண்டு ஐபிஎல் போட்டிகளைப் பார்க்கக் கட்டணம் செலுத்த வேண்டி இருக்கும் என்ற தகவல்கள் வெளியாகின. சாம்பியன்ஸ் டிராபிக்கும் கூட கட்டணம் செலுத்த வேண்டி வரலாம் எனச் சொல்லப்பட்டது. இருப்பினும், சாம்பியன்ஸ் டிராபி இலவசமாகப் பார்க்கும் வகையிலேயே இருந்தது. இதனால் ஐபிஎல் தொடரும் இலவசமாகத் தொடரும் என மக்கள் நினைத்த நிலையில், இந்த அறிவிப்பு வந்துள்ளது.
ஜியோவின் 3 பிளான்கள்
ஜியோ ஹாட்ஸ்டாரில் மொத்தம் 3 பிளான்கள் இருக்கிறது. முதலில் உள்ள மொபைல் பிளானுக்கு 3 மாதங்களுக்கு ரூ.149 அல்லது ஆண்டுக்கு ரூ.499 செலுத்த வேண்டும். அதிகபட்சம் 720p குவாலிட்டியில் ஒரு நேரத்தில் ஒரு செல்போனில் மட்டும் இதில் வீடியோக்களை பார்க்கலாம். அடுத்து சூப்பர் பிளானில் 3 மாதங்களுக்கு ரூ.299 அல்லது ஆண்டுக்கு என்றால் ரூ.899 செலுத்த வேண்டும். இதில் செல்போன் மட்டுமின்றி டிவிக்களிலும் கூட நிகழ்ச்சிகளைப் பார்க்கலாம். ஒரு நேரத்தில் இரு கருவிகளில் ஜியோ ஹாட்ஸ்டாரை பார்க்க முடியும். மேலும், FullHD (1080p)மற்றும் Dolby Atmos வசதிகளும் கிடைக்கும்.
அடுத்து அதிகபட்ச திட்டம் என்றால் அது பிரீமியம்.. இதில் ஒரே நேரத்தில் 8 கருவிகளை 4K குவாலிட்டியில் பார்க்கலாம். விளையாட்டு மற்றும் லைவ் நிகழ்ச்சிகளைத் தவிர இதர நிகழ்ச்சிகளில் விளம்பரங்கள் வராது. இதில் மாதம் ரூ.299 அல்லது 3 மாதத்திற்கு ரூ.499 அல்லது ஆண்டுக்கு ரூ.1499 சந்தாவாக செலுத்த வேண்டும்.
- அந்த 2 பேரும் இல்லை.. மாற்று வீரர்களுக்கு எங்கே போவேன்.. புலம்பி தவிக்கும் மும்பை ஓனர் அம்பானி!
- நீதான்யா பயிற்சியாளர்.. ஐபிஎல் நேரத்தில் ஓய்வா.. இங்கிலாந்துக்கு பறக்கும் கம்பீர்.. காரணமே வேற!
- "தம்பி பந்தை எறியக்கூடாது" பீதியை கிளப்பும் பதிரானாவின் பவுலிங் ஆக்ஷன்.. கவலையில் சிஎஸ்கே ரசிகர்கள்
- கைமாறும் கேப்டன் பதவி.. ரோஹித் சர்மா அல்லது பும்ரா தான் முதல் சாய்ஸாம்! ஐபிஎல் வேற வந்தாச்சே
- 1000 சவரன் தங்கம், உயில் சொத்துகள்.. அன்னை இல்லம் வீட்டு சாப்பாடு.. சிவாஜி அப்பாவுக்கு உதவபோவது யார்
- நல்ல செய்தி வந்தாச்சு! தங்கம் விலை என்னவாகும்? பணம் கொட்ட போகுதாம்! ஆனந்த் சீனிவாசன் சொல்வதை கேளுங்க
- ஆடு வளர்ப்பது அழகு பார்க்க கிடையாது.. பாகிஸ்தானியர்கள் அமெரிக்காவில் நுழைய தடை விதித்த டிரம்ப்!
- குண்டுமணி அளவு தங்கமாவது வாங்கி வைங்க.. வேண்டாத வேலை பார்த்த ட்ரம்ப்! இனி தொடர்ந்து உச்சம் தானாம்!
- இறங்கியடித்த நம் உளவுத்துறை.. வங்கதேச ராணுவ தளபதியை முடிக்க நினைத்த பாகிஸ்தானுக்கு விழுந்த அடி- மாஸ்
- சிறகடிக்க ஆசை: மீனாவிடம் சிந்தாமணியின் கணவர் சொன்ன வார்த்தை.. விஜயாவை மாட்டி விட்ட முத்து.. செம சம்பவம்
- Thengai Poo: "தேங்காய் பூ தேங்காய் பூவு"னு கூவி கூவி விற்பாங்களே! அந்த பூ உடல் எடையை குறைக்குமாமே!
- பழைய ஓய்வூதிய திட்டம்.. கைவிரித்த தங்கம்.. அரசு ஊழியர்கள் எடுத்த அதிரடி முடிவு
- குருப்பெயர்ச்சி: ராஜயோகம் பெறும் 3 ராசியினர் யார் தெரியுமா?.. லிஸ்ட்ல உங்க ராசி இருக்கா பாருங்க
- பங்கு சந்தையில் பணம் போட்டவர்களும், தங்கத்தில் பணத்தை போட்டவர்களும்.. அடுத்தடுத்து நடந்த ட்விஸ்ட்
- புக் செய்த சீட்டை ஆக்கிரமித்த பயணிகள்! பெங்களூர் ஐடி ஊழியர் செய்த தரமான செயல்.. ரயில்வேக்கு தேவைதான்