அருவி பட இயக்குனரின் அடுத்த படத்தில் விஜய் ஆண்டனி….. டைட்டில் வெளியீடு!

விஜய் ஆண்டனி நடிக்கும் புதிய படத்தின் டைட்டில் வெளியாகியுள்ளது.

ஆரம்பத்தில் விஜய் ஆண்டனி ஒரு இசையமைப்பாளராக திரைத்துறையில் நுழைந்தவர். தற்போது இவர் இயக்குனராகவும் தயாரிப்பாளராகவும் ஹீரோவாகவும் வலம் வருகிறார். அந்த வகையில் இவரது நடிப்பில் வள்ளி மயில், ககன மார்கன் ஆகிய படங்கள் உருவாகி இருக்கின்றன. இன்னும் சில படங்களை கைவசம் வைத்துள்ளார் விஜய் ஆண்டனி. இந்நிலையில் தான் இவர் கடந்த 2017 ஆம் ஆண்டு வெளியான அருவி படத்தின் இயக்குனர் அருண் பிரபு இயக்கத்தில் புதிய படம் ஒன்றில் நடித்திருக்கிறார். அருவி படத்தின் மாபெரும் வெற்றிக்கு பிறகு அருண் பிரபு இயக்கும் புதிய படத்தின் மீதான எதிர்பார்ப்பும் மிகப்பெரிய அளவில் இருந்து வருகிறது. அதே சமயம் இந்த படத்தின் படப்பிடிப்புகளும் ஏற்கனவே தொடங்கப்பட்ட விறுவிறுப்பாக நடைபெற்று வருகின்றன.

இந்நிலையில் இந்த படத்தின் டைட்டில் குறித்த அறிவிப்பை படக்குழு வெளியிட்டுள்ளது. அதன்படி இந்த படத்திற்கு ‘சக்தித் திருமகன்’ என்று தலைப்பு வைக்கப்பட்டுள்ளது. இந்த படத்தை விஜய் ஆண்டனி தயாரிக்கிறார் என்பதும் இந்த படம் விஜய் ஆண்டனியின் 25ஆவது படம் என்பதும் குறிப்பிடத்தக்கது.