அமெரிக்காவின் தங்கக் கிடங்கை பார்க்க செல்லும் டிரம்ப், மஸ்க் - அப்படி என்ன இருக்கு?

அமெரிக்காவோட பெரிய தங்கக் கிடங்கான ஃபோர்ட் நாக்ஸ் (Fort Knox) பத்தி இப்ப பேச்சு அடிபடுது. டொனால்ட் டிரம்ப் (Donald Trump), எலான் மஸ்க் (Elon Musk) ஃபோர்ட் நாக்ஸ பாக்கப் போறாராம். அங்க தங்கம் இருக்கா இல்லையான்னு தெரிஞ்சுக்கத்தான் இந்த ஏற்பாடு. ஆனா, கருவூல செயலாளர் ஸ்காட் பேசன்ட், வருஷா வருஷம் ஃபோர்ட் நாக்ஸ்ல இருக்கற தங்கம் தணிக்கை செய்யப்படுதுன்னு சொல்லியிருக்காரு. எல்லா தங்கமும் பத்திரமா இருக்கு. கணக்கு வழக்கு எல்லாம் சரியா இருக்குன்னு சொல்லியிருக்காரு.

கென்டக்கியில இருக்கற ஃபோர்ட் நாக்ஸ்ல, அமெரிக்காவோட புல்லியன் டெபாசிட்டரி 1937ல இருந்து தங்கத்த சேமிச்சு வைக்குது. அமெரிக்க ராணுவம் தான் இத பாதுகாக்குது. தங்கக் கிடங்கோட சேர்த்து, ஃபோர்ட் நாக்ஸ் ராணுவத்தோட மனித வள கட்டளை மையமாவும் இருக்கு.

ஃபோர்ட் நாக்ஸ் வரலாறு என்ன?

ஃபோர்ட் நாக்ஸ் கென்டக்கியோட புல்லிட், ஹார்டின், மீட் ஆகிய மூணு மாவட்டங்கள்ல 109,000 ஏக்கர்ல பரஞ்சிருக்கு. இது லூயிஸ்வில்ல இருந்து 56 கிலோமீட்டர் தெற்கே இருக்கு. இங்க முன்னாடி ராணுவ முகாம் இருந்துச்சு. அதுக்கு கேம்ப் நாக்ஸ்னு பேரு. முதல் உலகப் போர் நடந்தப்போ கேம்ப் நாக்ஸ் ஆரம்பிச்சாங்க. இங்க வீரர்களுக்கு பீரங்கி ஓட்ட பயிற்சி கொடுத்தாங்க. 1932ல இதுக்கு ஃபோர்ட் நாக்ஸ்னு பேரு மாத்துனாங்க. 1937ல ஃபோர்ட் நாக்ஸ்ல முதல் தங்கம் வந்துச்சு. அத பாதுகாக்குறதுக்கு 1 கேவலரி ரெஜிமென்ட் நியமிச்சாங்க. ஐரோப்பால ரெண்டாவது உலகப் போர் ஆரம்பிச்சப்போ, அமெரிக்க ராணுவம் ஃபோர்ட் நாக்ஸ்ல ஆர்மர்டு போர்ஸ் உருவாக்கினாங்க. இங்க ஆயிரக்கணக்கான வீரர்களுக்கு டேங்க் ஓட்ட பயிற்சி கொடுத்தாங்க.

ஃபோர்ட் நாக்ஸ்ல எவ்ளோ தங்கம் இருக்கு?

அமெரிக்க நாணய வார்ப்பகத்தின்படி, ஃபோர்ட் நாக்ஸ்ல இருக்கற அமெரிக்க புல்லியன் டெபாசிட்டரில இப்ப 147.3 மில்லியன் அவுன்ஸ் (4,175,884.76 கிலோ) தங்கம் இருக்கு. கருவூலத்துல டெபாசிட் பண்ண தங்கத்துல பாதி ஃபோர்ட் நாக்ஸ்ல தான் இருக்கு.

ஃபோர்ட் நாக்ஸ்ல இருந்து தங்கம் எடுத்ததே இல்லையா?

நாணய வார்ப்பக அறிக்கையின்படி, ஃபோர்ட் நாக்ஸ்ல தணிக்கை செய்யும்போது தங்கத்தோட சுத்தத்த பாக்குறதுக்காக கொஞ்சமா தங்கம் எடுத்திருக்காங்க. இந்த மாதிரிகள தவிர, பல வருஷமா டெபாசிட்டரில இருந்து தங்கம் எடுக்கல.

ஃபோர்ட் நாக்ஸ் எவ்ளோ பாதுகாப்பானது?

ஃபோர்ட் நாக்ஸ்ல இருக்கற தங்கக் கிடங்கு ரொம்ப பாதுகாப்பானது. இந்த கிடங்கோட உண்மையான அமைப்பு சில பேருக்குத்தான் தெரியும். பெட்டகத்த திறக்குற எல்லா வழிமுறையும் யாருக்கும் தெரியாது. தங்கக் கிடங்கு 1936ல 16000 கன அடி கிரானைட், 4200 கன கெஜம் கான்கிரீட், 750 டன் வலுவான ஸ்டீல், 670 டன் கட்டமைப்பு ஸ்டீல் வச்சு கட்டிருக்காங்க.

தங்கக் கிடங்க பாக்க யாருக்காவது அனுமதி உண்டா?

1974ல அமெரிக்க நாணய வார்ப்பு பத்திரிகையாளர்கள், காங்கிரஸ் பிரதிநிதிகள் குழுவுக்கு பெட்டகத்த திறந்து காட்டுனாங்க. அப்ப தங்கம் எடுத்துட்டாங்கன்னு ரூமர்ஸ் பரவுச்சு. அதனால இப்படி ஒரு முடிவு எடுத்தாங்க. அதுவரைக்கும் அங்கீகரிக்கப்பட்ட ஆட்கள தவிர, பெட்டகத்துக்குள்ள போன ஒரே ஆள் பிரசிடென்ட் பிராங்க்ளின் டி ரூஸ்வெல்ட் தான்.

அதுக்கப்புறம் 2017ல பெட்டகத்த திறந்து காட்டுனாங்க. கருவூல செயலாளர் ஸ்டீவ் மனுச்சின், கென்டக்கி கவர்னர் மாட் பெவின், காங்கிரஸ் பிரதிநிதிகளோட இங்க வந்து பாத்தாங்க. இப்ப இருக்கற கருவூல செயலாளர் ஸ்காட் பேசன்ட், பெட்டகத்த பாக்க ஆர்வமா இருக்கற எந்த செனட்டருக்கும் சந்தோஷமா ஏற்பாடு பண்ணுவேன்னு சொல்லியிருக்காரு.

இந்த வங்கியில் யாரும் பணம் எடுக்கவோ.. டெபாசிட் செய்யவோ முடியாது.. ரிசர்வ் வங்கி உத்தரவு