3வது டி20யில் நியூசி தோல்வி: 44 பந்துகளில் சதமடித்து பாக். வீரர் ஹசன் சாதனை

ஆக்லாந்து: நியூசிலாந்து சுற்றுப்பயணம் சென்றுள்ள பாகிஸ்தான் கிரிக்கெட் அணி, 3வது டி20 போட்டியில் 9 விக்கெட் வித்தியாசத்தில் அபார வெற்றி பெற்றது. முதலில் ஆடிய நியூசிலாந்து, 204 ரன்களுக்கு ஆல் அவுட்டானது. பின்னர் ஆடிய பாக். ஒரு விக்கெட் மட்டுமே இழந்து 207 ரன் குவித்து அபார வெற்றி பெற்றது.

பாகிஸ்தானின் துவக்க வீரர் ஹசன் நவாஸ் 44 பந்துகளில் சதம் விளாசி, குறைந்த பந்துகளில் சதமடித்த பாகிஸ்தான் வீரர் என்ற அரிய சாதனையை படைத்துள்ளார். அவர், 45 பந்துகளை சந்தித்து 105 ரன் குவித்து கடைசி வரை அவுட்டாகாமல் இருந்தார். அவரது ஸ்கோரில், 7 சிக்சர்கள், 10 பவுண்டரிகள் அடங்கும். இதற்கு முன், டி20 போட்டிகளில் பாகிஸ்தானின் பாபர் அஸம் 49, அஹமது ஷெஸாத் 58 பந்துகளில் சதம் விளாசியுள்ளனர்.

The post 3வது டி20யில் நியூசி தோல்வி: 44 பந்துகளில் சதமடித்து பாக். வீரர் ஹசன் சாதனை appeared first on Dinakaran.