வாட்ஸ்அப்பில் புதுமையான மெட்டா AI விட்ஜெட்! செயலியைத் திறக்காமல் இனி AI உதவியைப் பெறலாம்.!

உலகம் முழுவதும் கோடிக்கணக்கானோர் பயன்படுத்தும் வாட்ஸ்அப், தினசரி உரையாடல்களை எளிதாக்குவதற்காக புதிய தொழில்நுட்பங்களை தொடர்ந்து அறிமுகப்படுத்தி வருகிறது. இப்போது, மெட்டா நிறுவனம் வாட்ஸ்அப்பில் ஒரு புதிய மெட்டா AI (Artificial Intelligence) விட்ஜெட்டை பரிசோதித்து வருகிறது. இந்த விட்ஜெட், பயனர்களுக்கு வாட்ஸ்அப் செயலியைத் திறக்காமல் AI உதவிகளை பெற உதவும்.

இந்த அம்சம், சில மாதங்களுக்கு முன்பு WABetaInfo எனும் வாட்ஸ்அப் அப்டேட்டுகளை அறிய உதவும் இணையதளத்தால் கண்டுபிடிக்கப்பட்டது. தற்போது, சில பீட்டா பயனர்களுக்கே மட்டுமே இது கிடைக்கிறது. ஆனால், விரைவில் அனைத்து பயனர்களும் இதைப் பயன்படுத்த முடியும்.

வாட்ஸ்அப்பில் AI சேவை ஏற்கனவே இருப்பதை பலர் அறிவார்கள். ஆனால், இதுவரை அதை பயன்படுத்த, நீங்கள் வாட்ஸ்அப்பைத் திறந்து மெட்டா AI சாட்போட்டுடன் (Chatbot) உரையாட வேண்டும். புதிய விட்ஜெட்டை பயன்படுத்துவதன் மூலம், இந்த அம்சங்களை செயலியைத் திறக்காமல் முகப்புத்திரையிலிருந்து நேரடியாக அணுகலாம்.

வாட்ஸ்அப் செயலியைத் திறக்காமல் மெட்டா AI உடன் உரையாடலாம். பயனர் கேள்விகளை நேரடியாக கேட்டு, உடனடி பதில்களை பெறலாம். பயனர்கள், AI மூலம் புதிய படங்களை உருவாக்கலாம். இது, Gemini மற்றும் ChatGPT போன்ற AI தொழில்நுட்பங்களைப் போலவே செயல்படும். மொபைல் வாடிக்கையாளர்களுக்கு குரல் மூலம் AI உடன் தொடர்பு கொள்ளும் வசதி வழங்கப்பட்டுள்ளது. கீபோர்டில் தட்டச்சு செய்ய வேண்டிய அவசியமின்றி உங்கள் கேள்விகளை குரலால் கேட்கலாம்.

இந்தியாவின் சொந்த மொபைல் OS தேவை.! - டிசிஎஸ், இன்ஃபோசிஸ், விப்ரோ-க்கு சவால் விட்ட மத்திய அமைச்சர்!

தனிப்பட்ட மற்றும் குழு உரையாடல்களில் AI உதவியை பெறலாம். நண்பர்கள் மற்றும் குடும்பத்தினருடன் உரையாடும்போது, AI மூலம் விவரமான தகவல்களை உடனே பெறலாம். புதிய Meta AI விட்ஜெட் ரிசைசபிள் (Resizable) என்பதால், பயனர்கள் விரும்பும் அளவிற்கு இதை மாற்றிக்கொள்ளலாம். மெட்டா AI விட்ஜெட்டை எப்படி பயன்படுத்துவது? முதலில், வாட்ஸ்அப் பீட்டா (WhatsApp Beta) பதிப்பில் உள்ளவர்களுக்கு மட்டுமே இந்த அம்சம் கிடைக்கும். உங்கள் மொபைல் முகப்புத் திரையில் புதிய Meta AI Widget கிடைத்தால், அதனை டச் செய்து துவக்கலாம். அதில் உங்கள் கேள்விகளை நேரடியாக கேட்கலாம் அல்லது AI மூலம் புதிய படங்களை உருவாக்கலாம். வாட்ஸ்அப்பைத் திறக்காமலே, பயனுள்ள தகவல்களை பெறலாம்.

வாட்ஸ்அப்பைத் திறந்து AI சாட்போட்டுடன் உரையாட வேண்டிய அவசியமில்லாமல், நேரடியாக முகப்புத் திரையில் இருந்து தகவல்களைத் தேடலாம். மாணவர்கள் விஞ்ஞானம், கணிதம், வரலாறு போன்ற துறைகளில் கேள்விகளை கேட்டு பதில்களை உடனே பெறலாம். அதேபோல், அலுவலக பணியாளர்கள் மொழிபெயர்ப்பு, கோப்புகளை உருவாக்குதல் போன்ற விஷயங்களில் AI உதவியைப் பெறலாம். வாசிப்பதற்கான சமீபத்திய செய்திகளை, AI மூலம் நேரடியாக தகவல்களாக பெற்றுக்கொள்ளலாம். தற்போது, இந்த விட்ஜெட் சில பயனர்களுக்கே கிடைக்கிறது. ஆனால், மெட்டா நிறுவனம் விரைவில் இதை அனைத்து பயனர்களுக்கும் வழங்க உள்ளது.

கனடாவில் டெஸ்லா அதிரடி.. 3 நாளில் 8600 வாகனங்கள் விற்பனை.. சர்ச்சையில் சிக்கிய டெஸ்லா..!!

மேலும் அதிக பயனுள்ள AI அம்சங்கள் சேர்க்கப்படும். AI வடிவமைக்கப்பட்ட அதிக அளவிலான படங்களை உருவாக்க முடியும். வீடியோ மற்றும் ஆடியோ அடிப்படையிலான AI உதவிகள் சேர்க்கப்படும். வாட்ஸ்அப்பின் சமீபத்திய புதிய அம்சங்கள் இல்லை என்றாலும், வாட்ஸ்அப் சமீபத்தில் மேலும் பல புதிய அம்சங்களை வெளியிட்டுள்ளது. அவற்றில் சில, 22 புதிய சாட் தீம்கள் (Chat Themes) - வாட்ஸ்அப்பின் தோற்றத்தை மாற்றிக் கொள்ளலாம். Selfie Stickers - உங்கள் புகைப்படங்களை ஸ்டிக்கர்களாக மாற்றலாம். Tap Reactions - செய்திகளுக்கு விரைவாக எமோஜி ரியாக்ஷன்களை சேர்க்கலாம். Sticker Packs - தனிப்பட்ட ஸ்டிக்கர் தொகுப்புகளை உருவாக்கலாம் மற்றும் பகிரலாம்.

மொத்தத்தில், இந்த புதிய அம்சம் வாட்ஸ்அப் பயனர்களுக்கு பெரிய மாற்றத்தை ஏற்படுத்தும். விரைவில், அனைத்து பயனர்களும் இந்த AI வசதிகளை முழுமையாக அனுபவிக்க முடியும்