மும்பை இந்தியன்ஸ் அணிக்கு ஆப்பு வைக்க அஸ்திவாரம் போட்ட இஷான் கிஷான்!

Ishan Kishan Batting in SRH Intra Squad Match : சன்ரைசர்ஸ் ஹைதராபாத் அணியின் பயிற்சி ஆட்டத்தில் இஷான் கிஷான் அதிரடியாக விளையாடினார். இது தொடர்பான வீடியோ சமூக வலைதளங்களில் வைரலாகி வருகிறது.

Ishan Kishan Batting in SRH Intra Squad Match : சன்ரைசர்ஸ் ஹைதராபாத் அணியின் பயிற்சி ஆட்டத்தில் இந்தியாவின் அதிரடி ஆட்டக்காரர் இஷான் கிஷன் இரண்டு அதிரடி ஆட்டங்களை ஆடி அசத்தினார். அபிஷேக் ஷர்மாவுடன் இணைந்து தொடக்க வீரராக களம் இறங்கிய இஷான் வெறும் 23 பந்துகளில் 64 ரன்களும், 30 பந்துகளில் 73 ரன்களும் குவித்தார். சன்ரைசர்ஸ் அணி சமூக வலைத்தளமான எக்ஸ்-இல் வெளியிட்ட வீடியோவில் இஷான் தனது அதிரடி ஷாட்களால் அணியை உற்சாகப்படுத்தினார்.

சன்ரைசர்ஸ் அணி கடந்த ஆண்டு ஐபிஎல் 2024-ல் இரண்டாம் இடம் பிடித்தது குறிப்பிடத்தக்கது. இறுதிப் போட்டிக்கு முன்னேறிய அவர்கள், இறுதிப் போட்டியில் கொல்கத்தா நைட் ரைடர்ஸ் அணியிடம் தோல்வியடைந்தனர். தங்கள் அணியை வலுப்படுத்த, சன்ரைசர்ஸ் அணி சில மோசமான வீரர்களை நீக்கிவிட்டு, இஷான் கிஷன் போன்ற முக்கிய வீரர்களை ஐபிஎல் 2025 அணியில் சேர்த்துள்ளது.

கடந்த ஆண்டு நடந்த ஏலத்தில் இஷான் கிஷனை 11.25 கோடிக்கு SRH வாங்கியது. டிராவிஸ் ஹெட் மற்றும் அபிஷேக் ஷர்மா இன்னிங்ஸைத் தொடங்க, இஷான் மூன்றாம் இடத்தில் களமிறங்கி SRH அணிக்கு ஒரு பெரிய தாக்கத்தை ஏற்படுத்துவார் என்று எதிர்பார்க்கப்படுகிறது. இஷான் கிஷன் இதற்கு முன்பு மும்பை இந்தியன்ஸ் அணியில் இருந்தார். அவர் 2016-ல் அறிமுகமானார்.

இதுவரை 105 இன்னிங்ஸ்களில் 16 அரை சதங்களுடன் 2644 ரன்கள் குவித்துள்ளார். பவர் பிளேயில் அதிரடியாக விளையாடக்கூடியவர். அவர் மும்பை இந்தியன்ஸ் அணியின் முக்கிய வீரராக இருந்தார், ஆனால் 2025 ஐபிஎல் சீசனுக்கு முன்னதாக MI அவரை விடுவித்தது. SRH அணிக்கு கடந்த ஆண்டு சிறந்த சீசனாக இருந்தது.

அவர்கள் இறுதிப் போட்டியில் தோற்றாலும், அபிஷேக் ஷர்மா, டிராவிஸ் ஹெட், ஐடன் மார்க்ரம், ஹென்ரிச் கிளாசன் மற்றும் நிதிஷ் குமார் ரெட்டி ஆகியோருடன் இணைந்து தொடர் முழுவதும் அதிரடியாக விளையாடினர். இஷான் கிஷனை அணியில் சேர்த்திருப்பது SRH அணிக்கு மேலும் வலு சேர்க்கிறது. சன்ரைசர்ஸ் ஹைதராபாத் அணி மார்ச் 23 ஆம் தேதி தனது முதல் போட்டியில் ராஜஸ்தான் ராயல்ஸ் அணியை எதிர்கொள்கிறது. SRH அணி தனது சொந்த மைதானமான ராஜீவ் காந்தி சர்வதேச கிரிக்கெட் மைதானத்தில் ஞாயிற்றுக்கிழமை விளையாட உள்ளது.

சன்ரைசர்ஸ் ஹைதராபாத் அணியிலுள்ள வீரர்கள்:

இஷான் கிஷான், அதர்வா டைடு, அபினவ் மனோகர், அனிகெட் வர்மா, சச்சின் பேபி, ஹென்ரிச் கிளாசென் (விக்கெட் கீப்பர்), டிராவிஸ் ஹெட், ஷர்ஷல் படேல், கமிந்து மெண்டிஸ், வியான் முல்டர், அபிஷேக் சர்மா, நிதிஷ் குமார் ரெட்டி, பேட் கம்மின்ஸ் (கேப்டன்), முகமது ஷமி, ராகுல் சாகர், ஆடம் ஜம்பா, சிமர்ஜீத் சிங், ஜெயதேவ் உனத்கட், எஷான் மலிங்கா, ஜீஷன் அன்சாரி.