முதல் இடத்தை இழந்த 'சிங்கப்பெண்ணே'.. டிஆர்பியில் 'சிறகடிக்க ஆசை' முன்னேற்றம்..!

சன் டிவி, விஜய் டிவி மற்றும் ஜீடிவியில் தொலைக்காட்சி தொடர்கள் ஒளிபரப்பாகி வரும் நிலையில், இந்த தொடர்களுக்கான டிஆர்பி ரேட்டிங் ஒவ்வொரு வியாழக்கிழமையும் வெளிவருவது வழக்கம்.

அந்த வகையில், கடந்த சில மாதங்களாக ’சிங்கப்பெண்ணே’ முதலிடத்தில் இருந்த நிலையில், இந்த வாரம் அது முதல் இடத்தை இழந்துள்ளதாக தகவல் வெளியாகியுள்ளது. முதலிடத்தில் சமீபத்தில் ஆரம்பிக்கப்பட்ட ’மூன்று முடிச்சு’ சீரியல் பிடித்துள்ளது. இரண்டாவது இடத்தில் ’சிங்கப்பெண்ணே’, மூன்றாவது இடத்தில் ’கயல்’ இடம் பெற்றுள்ளது என்பது குறிப்பிடத்தக்கது.

கடந்த சில வாரங்களாகவே ஐந்தாவது இடத்தில் இருந்த விஜய் டிவியின் ’சிறகடிக்க ஆசை’ சீரியல் தற்போது ஒரு இடம் முன்னேறி நான்காவது இடத்தை பிடித்துள்ளது. கடந்த சில எபிசோடுகளாக முத்து, மீனாவுக்கு பிரச்சனை இல்லாததால் கதை பாசிட்டிவ்வாக சென்று கொண்டிருக்கிறது.

மேலும் ஐந்தாவது இடத்தில் ’மருமகள்’, ஆறாவது இடத்தில் ’அன்னம்’ ஏழாவது இடத்தில் ’எதிர்நீச்சல் 2’ ஆகியவை உள்ளன.

டிஆர்பி ரேட்டிங்கில் விஜய் டிவியின் ’பாண்டியன் ஸ்டோர்ஸ் 2’ சீரியலுக்கு எட்டாவது இடமும், ’பாக்கியலட்சுமி’ ஒன்பதாவது இடத்தையும் பெற்றுள்ளது. சன் டிவியில் ஒளிபரப்பாகி வரும் ’ராமாயணம்’ பத்தாவது இடத்தில் உள்ளது.

ஒவ்வொரு வாரமும் டிஆர்பி ரேட்டிங்கில் சீரியல்களின் இடங்கள் மாறிக்கொண்டே வரும் நிலையில், அடுத்த வாரம் இதே இடங்களை அந்தந்த சீரியல்கள் தக்க வைத்துக்கொள்ளுமா என்பதை பொறுத்திருந்து பார்ப்போம்!