மீந்து போன சாதத்தை வைத்து சட்டென செய்யும் மொறுமொறு தோசை

தோசை என்றாலே மென்மையானது, பக்கவாட்டில் கரகரப்பாக இருக்கும் அந்த அழகிய தோரணமே கண் முன்னே வருகிறது. ஆனால், வழக்கமாக தோசைக்காக அரிசி, உளுந்து ஊறவைத்து புளிக்க விடும் பணி கடினமாக இருக்கலாம். அதற்கு மாற்றாக, உங்கள் வீட்டில் இருக்கும் மீதமுள்ள சாதத்துடன் உடனடியாக செய்யக்கூடிய சுவையான மொறு மொறு தோசை எப்படி செய்யலாம் என்பதை பார்க்கலாம். 

ரெசிப்பி சிறப்புகள் :

- மீதமுள்ள சாதத்தை மறுபடி பயன்படுத்தும் சிறந்த முறை
- புளிக்க வைத்தல், அதிக நேரம் அரைக்க தேவையில்லை
- இயற்கையான நறுமணம் மற்றும் சுவை இருக்கும்

தேவையான பொருட்கள் :

மீதமுள்ள சாதம் - 1 கப்
அரிசி மாவு - 1/2 கப்
கடலை மாவு (அல்லது ரவை)    - 1/4  கப்
பச்சை மிளகாய் - 1 (நறுக்கியது)
இஞ்சி - 1 அங்குலம் (துருவியது)
தயிர் - 1/2  கப்
உப்பு - தேவையான அளவு
எண்ணெய் (தோசை சுட) - தேவையான அளவு
கறிவேப்பிலை, கொத்தமல்லி - சிறிதளவு (நறுக்கியது)

தாய்ப்பால் கொடுக்குறப்ப 'இந்த' தவறை பண்ணாதீங்க!! குழந்தைகளை இப்படி கவனிச்சுக்கங்க..

செய்முறை :

- மிக்ஸியில் மீதமுள்ள சாதம், தயிர், இஞ்சி, பச்சை மிளகாய், கொஞ்சம் தண்ணீர் சேர்த்து மிருதுவாக அரைக்கவும்.
- இதை ஒரு பாத்திரத்தில் எடுத்துக்கொண்டு அரிசி மாவு, கடலை மாவு, உப்பு, நறுக்கிய கொத்தமல்லி, கறிவேப்பிலை சேர்த்து நன்றாக கலக்கவும்.
- மாவு மிகவும் கெட்டியாக இருந்தால், சிறிது தண்ணீர் சேர்த்து இட்லி மாவு பதத்திற்கு கலந்து கொள்ளவும்.
- 10-15 நிமிடங்கள் மூடி வைத்து விடலாம். இதனால் மாவு அனைத்தும் கலந்து வரும்.
- தவா அல்லது தோசைக்கல்லை நன்றாக சூடாக்கவும்.
- ஒரு கரண்டி மாவை எடுத்து, மெல்ல அழுத்தி பரப்பி, வட்டமாக தோசையை பரப்பவும்.
- சிறிது எண்ணெய் பூசி, கீழ்புறம் பொன்னிறமாக வரும் வரை சுடவும்.
- பிறகு மறுபக்கம் திருப்பி, மேலும் 1-2 நிமிடங்கள் வேக வைத்து எடுக்கவும்.

சுவை சேர்க்க :

-மாவில் சிறிது மிளகாய்த்தூள், மிளகு தூள் சேர்த்து சுடலாம்.
- சுடும் போது மேலே கறிவேப்பிலை தூவி சூடாக பரிமாறலாம்.
- தோசை மேலே மெல்லியதாக துருவிய பன்னீரை தூவி சுடலாம்.
- தோசை சுடும் போது மேலே ஒரு முட்டை உடைத்து பரப்பி, மிதமான தீயில் வேக வைக்கலாம்.

பரிமாறும் முறைகள் : 

- சூடாக இருக்கும் போது தேங்காய் சட்னி, கொத்தமல்லி சட்னி அல்லது காரசாரமான சாம்பாருடன் பரிமாறலாம்.
- மழைபொழியும் நேரத்தில், உடனடி தோசை, கார சட்னி,  சூடான டீ என்பது அழகிய காம்பினேஷன்.
- குழந்தைகள் விரும்பினால், தோசை மீது தயிர், வெங்காயம், காரச் சட்னி சேர்த்து ரோலாக வைத்து கொடுக்கலாம்.

நடக்க கூட வேணாம்...உட்கார்ந்த இடத்திலேயே ஈஸியாக உடல் எடையை குறைக்கலாம்

சிறப்பு குறிப்புகள் :

- கடலை மாவு சேர்ப்பதால் தோசைக்கு கிரிஸ்பியான அமைப்பு கிடைக்கும்.
- தயிர் சேர்ப்பதால் தோசை மென்மையாகவும், இயற்கையாக புளித்துவிடவும் உதவும்.
- அரிசி மாவு சேர்ப்பதால், வெளிப்புறத்தில் கரகரப்பாக இருக்கும்.
- இஞ்சி சேர்ப்பதால் இதய ஆரோக்கியத்திற்கு நல்லது, மேலும் சுவையும் அதிகரிக்கும்.
- இரவு உணவிற்கு தயாரித்த சாதம் மீதம் இருந்தால், அதை வீணாக்காமல், புதிதாக ஒரு விரைவான, சுவையான தோசையாக மாற்றலாம்.