புல்லட்லாம் இல்ல.. டிவிஎஸ் எக்ஸல்தான் இருக்கு.. போலாமா பேபி?

By Jaya Chitra

Published: Thursday, March 6, 2025, 22:42 [IST]

சென்னை : காதலிக்க ஆள் இல்லாமல் தவிப்பவர்கள் எல்லாம் ஒன்றுகூடி, காதலில் விழுந்தவர்களைக் கலாய்த்து மீம்ஸ்களாகப் பகிர்ந்து வருகின்றனர்.

பிப்ரவரி மாதம்தான் காதல் மழை பொழிந்து, இணையத்தை ஒரு வழி செய்து விட்டார்கள்.. மார்ச் மாதம் அதையெல்லாம் மறந்து விட்டு வேலையைப் பார்க்க கிளம்பி விடுவார்கள் என நினைத்தால், அதுதான் இல்லை.. மார்ச் மாதமும் நாங்கள் காதலையும், காதலர்களையும் மீம்ஸ்கள் வாயிலாக கலாய்ப்போம் என விதவிதமான மீம்ஸ்களைப் பகிர்ந்து வருகின்றனர் நம் குறும்புக்கார நெட்டிசன்கள்.

"ச்சீ... ச்சீ.. இந்தப் பழம் புளிக்கும்.." என நரி கூறுவது மாதிரிதான், நம்மில் பலருக்கும் ஒரு பழக்கம். அதாவது நமக்கு கிடைக்காத காதல், திருமணம் போன்றவற்றையெல்லாம் மீம்ஸ்களாகக் கலாய்த்து, , ஏற்கனவே காதலில் அல்லது திருமணம் செய்தவர்களை வெறுப்பேற்றுவது. இப்போதும் அப்படித்தான், "வாங்குற டௌரில 5 பவுன் கம்மியா சொல்லி இருந்தா, அவன் ரிஜெக்ட் பண்ணி இருப்பான்.. வாங்குற சம்பளத்துல 5 ஆயிரம் கம்மியா சொல்லி இருந்தா, அவ ரிஜெக்ட் பண்ணிட்டு போய் இருப்பா.. இதுல மறைந்தாலும் மறுஜென்மம் தேடி வரும் சொந்தமிதுனு ஸ்டேட்டஸ் வேற'"என நகைச்சுவையான மீம்ஸ்களாகப் பகிர்ந்து வருகின்றனர்.

இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...