புரிஞ்சிக்க மச்சான்.. உனக்கு ஒர்க் டென்சன்.. எனக்கு ஒர்க்கே இல்லனு டென்சன்!

By Jaya Chitra

Published: Sunday, March 16, 2025, 21:50 [IST]

சென்னை : ஞாயிற்றுக்கிழமை இரவே, திங்கட்கிழமை வேலைக்குச் செல்ல வேண்டுமே என்ற கவலை நம் நெட்டிசன்களுக்கு வந்து விடுகிறது போலும். அது அவர்கள் பகிரும் மீம்ஸ்களைப் பார்த்தாலே நன்கு தெரிகிறது.

முன்பெல்லாம் பள்ளிக் குழந்தைகள்தான், சனி, ஞாயிறு விடுமுறை முடிந்து, மீண்டும் திங்கட்கிழமை பள்ளிக்குச் செல்ல வேண்டுமே என அழுவார்கள். அதுவும் ஞாயிறு மாலையே அவர்களுக்கு திங்கட்கிழமை பயம் வந்து விடும். இன்னமும் ஹோம் ஒர்க் செய்யவில்லையே, அடுத்த நாள் டெஸ்ட்டுக்கு படிக்கவில்லையே என அவர்கள் கவலைப்பட ஆயிரம் காரணங்கள் இருக்கும்.

ஆனால், இப்போதெல்லாம் அந்தக் குழந்தைகளின் மனநிலையையே தூக்கிச் சாப்பிட்டு விடும் அளவிற்கு, திங்கட்கிழமையை நினைத்து கவலைப்பட ஆரம்பித்து விட்டனர் வேலைக்குச் செல்பவர்கள். அதனாலேயே ஞாயிறு விடுமுறையைக்கூட மகிழ்ச்சியாகக் கழிக்காமல், திங்கட்கிழமையை நினைத்து கவலைப்பட ஆரம்பித்து விட்டனர். இது அவர்கள் சமூகவலைதளப் பக்கங்களில் பகிரும் மீம்ஸ்களின் எதிரொலிக்கிறது.

"சொன்னா கேளு.. திங்கட்கிழமை ரொம்ப சுறுசுறுப்பா இருக்காத.. எல்லா வேலையையும் உன் தலைல கட்டிடுவாங்க!" என்றும், "புரிஞ்சிக்க மச்சான்.. உனக்கு ஒர்க் டென்சன்.. எனக்கு ஒர்க்கே இல்லனு டென்சன்.. ரெண்டும் ஒண்ணு இல்ல.. வேற வேற!" என்றும் ஞாயிறு இரவே மீம்ஸ்களில் புலம்ப ஆரம்பித்து விட்டனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...