பாலிவுட் நடிகையிடம் எல்லை மீறிய பாலகிருஷ்ணா! வைரலாகும் வீடியோ!

Balakrishna and Urvashi Rautela viral video: நடிகர் பாலகிருஷ்ணா, ஊர்வசி ரவுத்தலாவுடன் ஆடிய நடனம் சர்ச்சையை ஏற்படுத்தியுள்ளது. 'டாக்கு மகாராஜ்' பட பார்ட்டியில் இருவரும் ஆடிய நடனம் சமூக வலைத்தளங்களில் விமர்சிக்கப்படுகிறது. பாலகிருஷ்ணாவின் நடவடிக்கைக்கு ரசிகர்கள் கண்டனம் தெரிவித்து வருகின்றனர்.

பிரபல தெலுங்கு நடிகர் நந்தமுரி பாலகிருஷ்ணா சர்ச்சைகளுக்குப் பேர்போனவர். இவரது படங்கள் அடிக்கடி சமூக வலைத்தளங்களில் ட்ரோல் செய்யப்படுவது சகஜமாக உள்ளது.

அறுபது வயதைத் தாண்டிய நடிகர் பாலகிருஷ்ணா பொது நிகழ்ச்சிகளில் நடந்துகொள்ளும் விதம் காரணமாக பல முறை விமர்சனங்களுக்கு ஆளாகி இருக்கிறார். அதுபோல மீண்டும் ஒரு சம்பவத்தைச் செய்திருக்கிறார் பாலகிருஷ்ணா.

பாலகிருஷ்ணா நடிப்பில் உருவாகியுள்ள 'டாக்கு மகாராஜ்' படம் அவரது ரசிகர்களின் வரவேற்பைப் பெற்றுள்ளது. இந்த படத்தில் ஊர்வசி ரவுத்தலாவுடன் பாலகிருஷ்ணா ஆடியுள்ள 'டபிதி, திபிதி' பாடல் ஹிட்டாகியுள்ளது. அந்தப் பாடலில் பாலகிருஷ்ணாவின் நடனமும் ட்ரோல் செய்யப்பட்டு வருகிறது.

இந்நிலையில் படக்குழுவினர் பலர் பங்கேற்ற பார்ட்டி ஒன்று அண்மையில் நடைபெற்றது. அதில், பாலகிருஷ்ணா, ஊர்வசி ரவுத்தலா உள்ளிட்ட பல நட்சத்திரங்கள் கலந்துகொண்டார். பார்ட்டியில் அவர்கள் இருவரும் சேர்ந்து ஆட்டம் போட்டிருக்கிறார்.

பார்ட்டியில் பாலகிருஷ்ணா, ஊர்வசி ரவுத்தலாவின் நடனம் சமூக வலைத்தங்களில் வைரலாகி விமர்சனங்களைப் பெற்று வருகிறது. பாலகிருஷ்ணா நடிகை ஊர்வசியிடம் அத்துமீறி நடந்துகொள்வதாக நெட்டிசன்கள் பலர் கண்டனம் தெரிவித்துள்ளனர்.