நாளை முதல் UPI-யில் பணம் மாற்ற முடியாது! இந்த தவறை உடனே சரி பண்ணுங்க.. முக்கிய அறிவிப்பு

By Nantha Kumar R

Published: Friday, January 31, 2025, 22:11 [IST]

டெல்லி: யுபிஐ ஐடிகளில் சிறப்பு எழுத்துகள் பயன்படுத்தப்பட்டு இருந்தால் பிப்ரவரி மாதம் 1ம் தேதி (நாளை) முதல் செயல்படாது என்று என்பிசிஐ எனும் நேஷனல் பேமெண்ட் கார்ப்பரேஷன் ஆஃப் இந்தியா சார்பில் தெரிவிக்கப்பட்டுள்ளது. யுபிஐ பணப்பரிமாற்றத்துக்கான பாதுகாப்பை அதிகரிக்கும் வகையில் இந்த நடவடிக்கை எடுக்கப்பட உள்ளது.

நாம் அனைவரும் தற்போது கையில் அதிக பணம் வைத்து பயன்படுத்துவது இல்லை. இதற்கு முக்கிய காரணம் நாம் அனைவரும் யுபிஐ பணப்பரிமாற்றம் செய்வது தான். போன் பே, ஜி பே, பேடிஎம், பீம் உள்பட பல்வேறு பணப்பரிமாற்ற செயலிகளை பயன்படுத்தி வருகிறோம்.

இதனால் நம் வங்கி கணக்கில் பணம் இருந்தால் போதும். யுபிஐ செயலிகள் மூலம் நாம் எளிதாக பணப்பரிமாற்றம் செய்யலாம். இந்நிலையில் தான் யுபிஐ பணப்பரிவர்த்தனைகளின் பாதுகாப்பை அதிகரிக்கும் வகையில் சிறப்பு நடவடிக்கை என்பது எடுக்கப்பட்டுள்ளது.

இதுதொடர்பான அறிவிப்பை என்பிசிஐ எனும் நேஷனல் பேமெண்ட் கார்ப்பரேஷன் ஆஃப் இந்தியா வழங்கி உள்ளது. இதுதொடர்பாக ஏற்கனவே சுற்றிக்கை என்பது வெளியிடப்பட்டுள்ளது. ஜனவரி 9 ம் தேதி வெளியிடப்பட்ட சுற்றறிக்கையில் , ‛‛பிப்ரவரி மாதம் 1ம் தேதி முதல் அனைத்து யுபிஐ ஐடிகளிலும் எண் மற்றும் ஆங்கில எழுத்துகள் மட்டுமே இருக்க வேண்டும். ஸ்பெஷல் கேரக்டர் குறியீடுகளான @, !, # என்பது இருக்க கூடாது. ஒருவேளை இருக்கும்பட்சத்தில் பணப்பரிமாற்றம் செய்ய முடியாது.

Also Read

சீனாவை நம்பினால் அவ்வளவுதான்.. மத்திய அரசுக்கு போன வார்னிங்.. பொருளாதார ஆய்வறிக்கையின் பின்னணி

இந்த ஸ்பெஷல் கேரக்டர்கள் யுபிஐ ஐடியில் இருப்பின்பணப்பரிமாற்ற நடவடிக்கை என்பது ரிஜெக்ட் செய்யப்படும். இந்த நடவடிக்கை என்பது டெக்னிக்கல் ஸ்பெஷிபிகேஷன் மற்றும் டிஜிட்டல் பேமெண்ட் செயலிகளின் பாதுகாப்பை உறுதி செய்வதன் ஒருபகுதியாக எடுக்கப்பட்டுள்ளது’’ என்று கூறப்பட்டுள்ளது. இதனால் ஒவ்வொருவரும் தங்களின் யுபிஐ பணப்பரிமாற்ற ஐடியில் உள்ள சிறப்பு குறியீடுகள் @, !, # இல்லாத வகையில் மாற்றம் செய்து கொள்வது நல்லது.

Recommended For You

இந்தியாவின் பொருளாதார வளர்ச்சி 6.8% ஆக இருக்கும்.. பொருளாதார அறிக்கையில் நிர்மலா சீதாராமன் தகவல்

இந்த நடவடிக்கை என்ப து நாளை அமலுக்கு வர உள்ளது. இதனால் நாளைய தினம் நாட்டில் பல லட்சம் பேர் யுபிஐ மூலம் பணப்பரிவர்த்தனை செய்ய முடியாமல் பிரச்சனையை எதிர்கொள்ளலாம். இப்படி பிரச்சனையை எதிர்கொள்வதை தவிர்க்க ஒவ்வொருவரும் தங்களின் யுபிஐ ஐடியில் ஸ்பெஷல் கேரக்டரை நீக்கம் செய்து புதிதாக எண் மற்றும் ஆங்கில எழுத்துடன் ஐடியை உருவாக்கி கொள்ள வேண்டும் என்பது இங்கே குறிப்பிடத்தக்கது.