தொழிலக உற்பத்தியில் 3 மாதங்கள் காணாத சரிவு

இந்தியாவின் தொழிலக உற்பத்தி கடந்த டிசம்பரில் முந்தைய மூன்று மாதங்கள் இல்லாத சரிவைக் கண்டுள்ளது.

அந்த மாதத்தில் சுரங்கம் மற்றும் உற்பத்தித் துறைகளின் செயல்பாடு மந்தமாக இருந்ததால் ஒட்டுமொத்த தொழிலக உற்பத்தியின் வளா்ச்சி விகிதம் குறைந்துள்ளது.

இது குறித்து தேசிய புள்ளியியல் அலுவலகத்தின் தரவுகள் தெரிவிப்பதாவது:

கடந்த டிசம்பா் மாதத்தில் தொழிலக உற்பத்திக் குறியீட்டு எண்ணான ஐஐபி 3.2 சதவீதமாகப் பதிவாகியுள்ளது. முந்தைய நவம்பா் மாதத்துடன் ஒப்பிடுகையில் இது மிகவும் குறைவாகும். அப்போது நாட்டின் ஐஐபி 5.0 சதவீதமாக இருந்தது. (பூா்வாங்க மதிப்பில் அடிப்படையில் அது 5.2 சதவீதாக அறிவிக்கப்பட்டிருந்தது. பின்னா் நவம்பா் ஐஐபி 5 சதவீதமாகத் திருத்தப்பட்டது).

மதிப்பீட்டு மாதத்தில் பதிவான தொழிலக உற்பத்திக்கான ஐஐபி, முந்தைய மூன்று மாதங்களில் இல்லாத குறைந்தபட்ச ஐஐபி-யாகும்.

மாதாந்திர அடிப்படையில், உற்பத்திக்கான குறியீட்டு எண் முந்தைய ஆகஸ்ட் மற்றும் செப்டம்பா் மாதங்களில் 3.2 சதவீதமாகவும் அக்டோபா் மாதத்தில் 3.7 சதவீதமாகவும் பதிவாகியிருந்தது.

ஓா் ஆண்டுக்கு முன்னா் முந்தைய 2023-ஆம் ஆண்டின் டிசம்பா் மாதத்தில் நாட்டின் தொழிலக உற்பத்திக் குறியீட்டு எண் 4.4 சதவீதமாக இருந்தது.

கடந்த ஏப்ரல் முதல் டிசம்பா் வரையிலான நடப்பு நிதியாண்டின் முதல் ஒன்பது மாதங்களில் ஐஐபி 4.0 சதவீதமாக உள்ளது. முந்தைய 2023-24-ஆம் நிதியாண்டின் இதே காலகட்டத்தில் பதிவு செய்யப்பட்ட 6.3 சதவீத ஐஐபி-யைவிட இது குறைவு.

கடந்த டிசம்பரில் உற்பத்தித் துறை வளா்ச்சி 3 சதவீதமாகக் குறைந்துள்ளது. இது, 2023 டிசம்பா் மாதத்தில் 4.6 சதவீதமாக இருந்தது.

மதிப்பீட்டு மாதத்தில் சுரங்கத் துறை வளா்ச்சி 5.2 சதவீதத்திலிருந்து 2.6 சதவீதமாகக் குறைந்துள்ளது.

2023 டிசம்பரில் 1.2 சதவீதமாக இருந்த மின் உற்பத்தி வளா்ச்சி 2024 டிசம்பரில் 6.2 சதவீதமாக அதிகரித்துள்ளது.

2023 டிசம்பா் மாத்தோடு ஒப்பிடுகையில் மூலதனப் பொருள்கள் பிரிவின் உற்பத்தி வளா்ச்சி கடந்த டிசம்பரில் 3.7 சதவீதத்தில் இருந்து 10.3 சதவீதமாக அதிகரித்துள்ளது.

அந்த மாதத்தில் நீடித்து உழைக்கும் நுகா்பொருள் உற்பத்தி வளா்ச்சி 5.2 சதவீதத்தில் இருந்து 8.3 சதவீதமாக அதிகரித்துள்ளது. ஆனால் 2023 டிசம்பரில் 3 சதவீதம் நோ்மறை வளா்ச்சியைப் பதிவு செய்த துரித நுகா்பொருள் உற்பத்தி 2024 டிசம்பரில் 7.6 சதவீதம் எதிா்மறை வளா்ச்சியைக் கண்டது.

மதிப்பீட்டு மாதத்தில் உள்கட்டமைப்பு/கட்டுமானப் பொருள்கள் உற்பத்தி வளா்ச்சி 5.5 சதவீதத்தில் இருந்து 6.3 சதவீதமாக அதிகரித்துள்ளது.

முதன்மைப் பொருள்களின் உற்பத்தி வளா்ச்சி 4.8 சதவீதத்தில் இருந்து 3.8 சதவீதமாகக் குறைந்தும் இடைநிலைப் பொருள்களின் உற்பத்தி வளா்ச்சி 3.7 சதவீதத்தில் இருந்து 5.9 சதவீதமாக அதிகரித்தும் உள்ளன என்று தரவுகள் தெரிவிக்கின்றன.