தேசிய சீனியர் மகளிர் ஹாக்கி: அரியானா, ஜார்க்கண்ட் இறுதிப் போட்டிக்கு தகுதி

பஞ்ச்குலா: தேசிய சீனியர் மகளிர் ஹாக்கி சாம்பியன்ஷிப் போட்டியில் அரியானா, ஜார்க்கண்ட் அணிகள் இறுதிப் போட்டிக்கு தகுதி பெற்றுள்ளன. தேசிய சீனியர் மகளிர் ஹாக்கி சாம்பியன்ஷிப் போட்டிகள், அரியானா மாநிலம் பஞ்ச்குலாவில் நடந்து வருகின்றன. அதில் பங்கேற்றுள்ள அணிகள் 3 பிரிவுகளாக பிரிக்கப்பட்டு லீக் சுற்றுப் போட்டிகள் நடத்தப்பட்டன. அதில் 8 அணிகள் காலிறுதிக்கு தகுதி பெற்றன. அந்த அணிகள் இடையே நேற்று முன்தினம் நடந்த போட்டிகள் முடிவில் அரியானா, மிசோரம், மகாராஷ்டிரா, ஜார்க்கண்ட் அணிகள் அரை இறுதிக்கு தகுதி பெற்றன.

இந்நிலையில் அரியானா- மிசோரம் அணிகள் இடையே நேற்று அரை இறுதிப் போட்டி நடந்தது. அதில் 4-0 கோல் கணக்கில் அரியானா வென்று இறுதிப் போட்டிக்கு தகுதி பெற்றது. மற்றொரு அரை இறுதியில் மகாராஷ்டிரா – ஜார்க்கண்ட் அணிகள் மோதின. கடைசி வரை யாருக்கும் வெற்றி கிடைக்காததை அடுத்து, ஷூட் அவுட் முறையில் வெற்றி தீர்மானிக்கப்பட்டது. அதில் 3-2 என்ற கோல் கணக்கில் ஜார்க்கண்ட் அணி வெற்றி பெற்று இறுதிப் போட்டிக்கு தகுதி பெற்றது.

The post தேசிய சீனியர் மகளிர் ஹாக்கி: அரியானா, ஜார்க்கண்ட் இறுதிப் போட்டிக்கு தகுதி appeared first on Dinakaran.