துபாயில் இருந்து இந்தியா திரும்பிய 40 வயது நபர் ஒருவருக்கு mpox (குரங்கம்மை) சோதனை செய்யப்பட்டுள்ளது.

அதில் அவருக்கு அந்த வைரஸ் தாக்கம் இருப்பது கண்டறியப்பட்டுள்ளது. புனேவின் நேஷனல் இன்ஸ்டிடியூட் ஆப் வைராலஜி (NIV) ஆய்வகம் மூலம் தொற்று உறுதி செய்யப்பட்டுள்ளதாக அதிகாரிகள் வியாழக்கிழமை தெரிவித்தனர்.

ஜனவரி 17 ஆம் தேதி மங்களூருக்கு வந்த நபருக்கு கொப்புளம் போன்ற சொறி மற்றும் காய்ச்சல் ஏற்பட்டது.

உடனடியாக தனிமைப்படுத்தப்பட்டு தனியார் மருத்துவமனையில் சிகிச்சை அளிக்கப்பட்டது.

அந்த நபரின் உடல்நிலை சீராக இருப்பதாகவும், விரைவில் அவர் டிஸ்சார்ஜ் செய்யப்படுவார் என்றும் சுகாதாரத்துறை அதிகாரிகள் உறுதி செய்தனர்.

அவரை விமான நிலையத்தில் சந்தித்த அவரது மனைவி முன்னெச்சரிக்கை நடவடிக்கையாக தனிமைப்படுத்தப்பட்டுள்ளார்.