ஜெயலலிதா இல்லத்தில் நடிகர் ரஜினிகாந்த் மரியாதை

முன்னாள் முதல்வர் ஜெயலலிதாவின் பிறந்த நாளையொட்டி நடிகர் ரஜினிகாந்த் மரியாதை செலுத்தினார்.

சென்னை போயஸ் கார்டனில் உள்ள ஜெயலலிதாவின் இல்லத்திற்கு திங்கள்கிழமை வருகை தந்த நடிகர் ரஜினிகாந்தை சால்வை அணிவித்து ஜெ.தீபா வரவேற்றார்.

தொடர்ந்து அங்கு வைக்கப்பட்டிருந்த ஜெயலலிதா உருவப் படத்திற்கு ரஜினிகாந்த் மரியாதை செலுத்தினார்.

அப்போது அவர் கூறுகையில், ஜெயலலிதா இல்லாவிட்டாலும் அவரது நினைவு மக்கள் அனைவரது மனதிலும் நிலைத்திருக்கும். இதற்கு முன்பு 3 முறை வேதா இல்லத்திற்கு வந்து ஜெயலலிதாவை சந்தித்துள்ளேன் என்றார்.

பங்குச் சந்தை நிலவரம்: சென்செக்ஸ், நிஃப்டி சரிவுடன் தொடக்கம்!

மறைந்த முன்னாள் முதல்வரும், அதிமுக பொதுச்செயலாளராக இருந்தவருமான ஜெயலலிதாவின் 77-வது பிறந்தநாள் விழா இன்று(பிப்., 24) கொண்டாடப்படுகிறது.

இதையொட்டி அவருக்கு அரசியல் தலைவர்கள் பலர் புகழாஞ்சலி செலுத்தி வருகின்றனர்.