சேலம் ஸ்பெஷல் ரெஸிபி...துவரம் பருப்பு வைத்து கமகமக்கும் ரசம்

சேலம் ஸ்பெஷல் அப்படினா தட்டுவடை செட் தான் கேள்வி பட்டு இருப்பீங்கள். ஆனால் இன்னொரு ஸ்பெஷல் உணவு பற்றி தெரியுமா? அப்படி சேலத்தில் மிகவும் ஸ்பெஷலாக உள்ள பருப்பு ரசத்தை உங்கள் வீடுகளில் எப்படி செய்வது என்று  ஹோம் குக்கிங் யூடியூப் பக்கத்தில் செய்து காட்டியிருப்பதாவது,

தேவையான பொருட்கள்

துவரம் பருப்பு  
தக்காளி 
பச்சை மிளகாய்  
இஞ்சி நறுக்கியது 
மஞ்சள்தூள்  
கல் உப்பு 
தண்ணீர்  
எலுமிச்சைபழச்சாறு
கொத்தமல்லி இலை 
நெய்  
உளுத்தம் பருப்பு  
கடலை பருப்பு  
கடுகு  
சீரகம்  
காய்ந்த மிளகாய் 
பெருங்காய தூள்  
கறிவேப்பிலை

செய்முறை

துவரம் பருப்பை குறைந்தது ஒரு மணி நேரம் தண்ணீரில் ஊற வைக்கவும். அதன் பிறகு பிரஷர் குக்கரில் ஊறவைத்த பருப்பு, நறுக்கிய தக்காளி, பச்சை மிளகாய், இஞ்சி, மஞ்சள் தூள் மற்றும் கல் உப்பு சேர்த்து நன்கு கலக்கவும்.

பருப்பு மூழ்கும் வரை தண்ணீர் சேர்த்து குக்கரை மூடி வைத்து அடுப்பை மிதமான தீயில் வைத்து நான்கு விசில் வரும் வரை வேகவிடவும். தாளிப்பு கரண்டியில் நெய் சேர்த்து, அதில் உளுத்தம் பருப்பு, கடலை பருப்பு, கடுகு, சீரகம் சேர்த்து வதக்கவும்.

துவரம் பருப்பு ரசம் | Thuvaram Paruppu Rasam Recipe In Tamil | Rasam Recipes |

கடுகு பொரிந்த பிறகு, அடுப்பை அணைத்து காய்ந்த மிளகாய், பெருங்காயம் மற்றும் கறிவேப்பிலையை சேர்த்து, பொரிந்ததும் ரசத்தில் சேர்த்துவிடவும். எலுமிச்சை பழச்சாறு மற்றும் நறுக்கிய கொத்தமல்லி சேர்த்து கலந்து இறக்கினால் போதும் சுவையான துவரம் பருப்பு ரசம் ரெடியாகி விடும்.