’சுனிதாவின் பயணம் அவரது விடாமுயற்சிக்கு ஒரு சான்று’..!! CM ஸ்டாலின், எடப்பாடி பழனிசாமி வாழ்த்து..!!

4 hours ago

ARTICLE AD BOX

பூமிக்கு திரும்பிய சுனிதா வில்லியம்ஸுக்கு தமிழ்நாடு முதலமைச்சர் முக.ஸ்டாலின், எதிர்க்கட்சி தலைவர் எடப்பாடி பழனிசாமி ஆகியோர் வாழ்த்து தெரிவித்துள்ளனர்.

இந்திய வம்சாவளி விண்வெளி வீராங்கனை சுனிதா வில்லியம்ஸ் மற்றும் அமெரிக்க விண்வெளி வீரர் பேரி வில்மோர் பூமியை அடைந்தனர். ஸ்பேஸ் எக்ஸ் நிறுவனத்தின் டிராகன் விண்கலம் மூலம் அவர்கள் பூமி கோளுக்கு வந்தனர். சர்வதேச விண்வெளி மையத்தில் இருந்து டிராகன் விண்கலம் அன்-டாக் ஆகி பிரிந்துள்ளது. அதிகாலை புளோரிடா கடலில் டிராகன் ஸ்பிளாஷ் தரையிறங்கியது. அவர்களுடன் அமெரிக்கா மற்றும் ரஷ்யாவைச் சேர்ந்த விண்வெளி வீரர்கள் இருவர் டிராகன் விண்கலம் மூலம் பூமி திரும்பினர். இந்திய நேரப்படி அதிகாலை 3 மணியளவில் அவர்கள் பூமியை அடைந்தனர்.

அமெரிக்காவின் போயிங் நிறுவனம், அந்த நாட்டின் விண்வெளி அமைப்பான நாசா உடன் இணைந்து போயிங் ஸ்டார்லைனர் என்ற விண்கலத்தை உருவாக்கியது. இந்த புதிய விண்கலத்தில் சுனிதா வில்லியம்ஸ் மற்றும் வில்மோர் ஆகியோர் கடந்த ஆண்டு ஜூன் மாதம் 5-ம் தேதி சர்வதேச விண்வெளி மையத்துக்கு சென்றனர். 10 நாட்கள் ஆய்வு செய்துவிட்டு பூமிக்கு திரும்ப திட்டமிடப்பட்டு இருந்தது. ஆனால் ஸ்டார்லைனர் விண்கலத்தில் தொழில்நுட்ப கோளாறு ஏற்பட்டு இருவரும் பூமிக்கு திரும்ப முடியாத சூழல் ஏற்பட்டது. கடந்த ஆண்டு செப்டம்பர் 28-ம் தேதி ஸ்பேஸ் எக்ஸ் நிறுவனத்தின் டிராகன் விண்கலம் சர்வதேச விண்வெளி மையத்துக்கு அனுப்பி வைக்கப்பட்டது.

இந்நிலையில், பூமிக்கு திரும்பிய சுனிதா வில்லியம்ஸுக்கு தமிழ்நாடு முதலமைச்சர் முக.ஸ்டாலின் வாழ்த்து தெரிவித்துள்ளார். இதுகுறித்து பேசிய அவர், சுனிதா வில்லியம்ஸ் மற்றும் புட்ச் வில்மோர் பூமி வந்தடைந்த செய்தி நம் அனைவரையும் மகிழ்ச்சி அடைய செய்துள்ளதாகவும், இதற்காக உழைத்த அனைவருக்கும் பாராட்டுகள் என்றும் தெரிவித்துள்ளார்.

அதேபோல், எதிர்க்கட்சி தலைவர் எடப்பாடி பழனிசாமி வெளியிட்டுள்ள பதிவில், “9 மாதங்கள் விண்வெளியில் தங்கியிருந்து பல சவால்களை எதிர்கொண்ட வீரர்களுக்கு வாழ்த்து. சுனிதா வில்லியம்ஸின் வலிமை, உறுதி, தைரியத்திற்கு வாழ்த்துகள். இந்திய வம்சாவளி விண்வெளி வீரராக சுனிதாவின் பயணம் அவரது விடாமுயற்சிக்கு ஒரு சான்று” என்று தெரிவித்துள்ளார்.

Read Entire Article