சர்வதேச மாஸ்டர்ஸ் லீக் டி20: சங்கக்கரா சதத்தால் இலங்கை வெற்றி

ராய்ப்பூர்: சத்தீஸ்கர் மாநிலம் ராய்ப்பூரில், ஓய்வு பெற்ற கிரிக்கெட் வீரர்கள் மோதும் சர்வதேச மாஸ்டர்ஸ் லீக் டி20 போட்டிகள் நடந்து வருகின்றன. நேற்று முன்தினம் நடந்த போட்டியில் இங்கிலாந்து – இலங்கை அணிகள் மோதின. முதலில் ஆடிய இங்கிலாந்து, 20 ஓவர் முடிவில் 5 விக்கெட் இழப்புக்கு 146 ரன் எடுத்தது.

அந்த அணியின் துவக்க வீரர் மஸ்டர்ட் சிறப்பாக ஆடி 39 பந்துகளில் 50 ரன் குவித்தார். பின்னர், 147 ரன் வெற்றி இலக்குடன் இலங்கை வீரர்கள் களமிறங்கினர். துவக்க வீரர் குமார் சங்கக்கரா கடைசி வரை ஆட்டமிழக்காமல், 47 பந்துகளில் 106 ரன் குவித்தார். 12.5 ஓவரில் இலங்கை, ஒரு விக்கெட் இழப்புக்கு 150 ரன் குவித்து, 9 விக்கெட் வித்தியாசத்தில் அபார வெற்றி பெற்றது.

The post சர்வதேச மாஸ்டர்ஸ் லீக் டி20: சங்கக்கரா சதத்தால் இலங்கை வெற்றி appeared first on Dinakaran.