ரவிச்சந்திரன் அஸ்வின் 212 ஐபிஎல் போட்டிகளில் விளையாடியுள்ளார். 7.12 என்ற எகானமி விகிதத்தில் 180 விக்கெட்டுகளை வீழ்த்தியுள்ளார். இது, அணியில் அவரது மதிப்பை அதிகப்படுத்தி உள்ளது.

இதற்கிடையில், கடந்த ஐந்து ஆண்டுகளில் சர்வதேச போட்டிகளில் விளையாடாத அல்லது மத்திய ஒப்பந்தத்தில் இல்லாத கிரிக்கெட் வீரர்களைத் தக்கவைத்துக் கொள்ள அனுமதிக்கும் விதியைப் பயன்படுத்தி, எம்எஸ் தோனியை ஒரு அன்கேப்ட் வீரராக சிஎஸ்கே தக்க வைத்துக் கொண்டது.

இந்நிலையில், சமூக ஊடகங்களில் வெளியான ஒரு வைரலான வீடியோவில், ரவிச்சந்திரன் அஸ்வின் எம்எஸ் தோனிக்கு பேட்டிங் டிப்ஸ் கொடுப்பது ரசிகர்களின் உற்சாகத்தை அதிகரித்தது.

மார்ச் 23 ஆம் தேதி மும்பை இந்தியன்ஸ் அணிக்கு எதிராக எம்.ஏ.சிதம்பரம் மைதானத்தில் சிஎஸ்கே தனது ஐபிஎல் 2025 தொடரைத் தொடங்க உள்ளது.