எஸ்கலேட்டரில் ஏன் பிரஷ்கள் வச்சிருங்காங்க?

எஸ்கலேட்டர் (Escalator) என்பது நகரும் படிக்கட்டு அல்லது மின்படிக்கட்டு அல்லது தானியங்கிபடி என்று பல்வேறு பெயர்களில் அழைக்கப்படுகிறது. தற்போது வயதானவர்கள், மாற்றுத்திறனாளிகள் படிக்கட்டுகளில் ஏறி கஷ்டப்படுவதை குறைக்க விமான நிலையம், ரயில் நிலையம், ஷாப்பிங் மால், அடுக்குமாடி வீடுகளில் எஸ்கலேட்டர்கள் வைக்கப்பட்டுள்ளன.

எஸ்கலேட்டர் ஒரு கட்டிடத்தின் அடுக்குகளுக்கு இடையே மக்களை கொண்டு செல்ல பெரிதும் உதவியாக உள்ளது. இதில் வழக்கமான படிக்கட்டுகளில் ஏறுவதை போல் மக்கள் ஏற வேண்டியதில்லை. முதல் படிக்கட்டில் ஏறி நின்றால் போதும். அந்த படிகளே நகர்ந்து உங்களை செல்ல வேண்டிய இடத்துக்குத் அழைத்து சென்று விடும். இப்போது பல இடங்களிலும் எஸ்கலேட்டர் பொருத்தப்பட்டுள்ளதால் மக்கள் கஷ்டப்பட்டு படியேற வேண்டிய அவசியம் இல்லாமல் போய் விட்டது.

எஸ்கலேட்டரில் நீங்கள் ஏறும் போது கவனித்தால் தெரியும், எஸ்கலேட்டரின் ஓரங்களில் பிரஷ்கள் வைக்கப்பட்டிருக்கும். சிலர் எஸ்கலேட்டரில் ஏறியதும் பக்கவாட்டில் உள்ள பிரஷ்களில் அவர்களது காலணிகளை சுத்தம் செய்வதை பார்த்தீருப்பீர்கள்.

ஆனால் எஸ்கலேட்டர் பிரஷ்கள் உண்மையில் உங்கள் காலணிகளை சுத்தம் செய்வதற்கு அல்ல. பக்கவாட்டில் உள்ள பிரஷ்கள் பல முக்கிய காரணங்களுக்காக வைக்கப்பட்டுள்ளன. சில சமயங்களில் எஸ்கலேட்டர் விபத்துக்கள் நடக்கின்றன - அவை தீவிரமாக இருக்கலாம். பல ஆண்டுகளாக, மக்கள் ஷூலேஸ்கள், ஸ்கார்ஃப்கள் மற்றும் கால்விரல்கள் கூட எஸ்கலேட்டர் படிகளின் ஓரத்தில் உள்ள சிறிய இடைவெளியில் சிக்கி, இயந்திரத்திற்குள் இழுக்கப்பட்டு கடுமையான காயங்கள் மற்றும் உயிர் சேதத்திற்கு வழிவகுத்துள்ளது.

ஸ்கர்ட் டிஃப்ளெக்டர்கள் என்றும் அழைக்கப்படும் எஸ்கலேட்டர் பிரஷ்கள் முதன்மையாக விபத்துகளைத் தடுக்க வடிவமைக்கப்பட்டுள்ளன. இவை எஸ்கலேட்டரின் நகரும் பகுதிகளிலிருந்து கால்கள், தளர்வான ஆடைகள், ஷூலேஸ்கள் அல்லது பைகள் மற்றும் பிற பொருட்களை விலக்கி வைப்பதன் மூலம் விபத்துகளைத் தடுக்க வடிவமைக்கப்பட்ட பாதுகாப்பு அம்சங்களாகும். அவை தடைகளாகவும் உடல் நினைவூட்டல்களாகவும் செயல்படுகின்றன. கடுமையான காயங்கள் ஏற்படுவதை தடுக்க உதவுகின்றன.

உங்கள் கால், பை அல்லது ஆடை விளிம்பிற்கு மிக அருகில் சென்றால், பிரஷ்களில் உள்ள முட்கள் அதை பின்னுக்குத் தள்ளி, இடைவெளியில் நழுவுவதைத் தடுக்கின்றன.

இந்த பிரஷ்கள் தூசி, அழுக்கு மற்றும் இடைவெளிகளில் குவிந்து கிடக்கும் சிறிய குப்பைகளை துடைக்க உதவுகின்றன.

சிலர் எஸ்கலேட்டரின் விளிம்பிற்கு அருகில் நிற்கும் போது அவை ஒரு எச்சரிக்கையாகச் செயல்படுகின்றன. உங்கள் ஷூ அல்லது காலில் மென்மையான பிரஷ் முட்கள் உராயும் போது, உங்கள் உள்ளுணர்வு விளிம்பிலிருந்து சற்று விலகிச் செல்ல வேண்டும் என்பதை அறிவுறுத்தி பாதுகாப்பை உறுதி செய்கின்றன.

பக்கவாட்டு இடைவெளிகளில் பொருட்கள் நுழைவதைத் தடுப்பதன் மூலம், பிரஷ்கள் உள் இயக்கவியலை சேதத்திலிருந்து பாதுகாக்க உதவுகின்றன.

எஸ்கலேட்டர்களில் வேறு பாதுகாப்பு அம்சங்களும் உள்ளன. சில படிகளில் மஞ்சள் நிற எல்லை கோடுகள் உள்ளன, அவை மக்கள் விளிம்புகளில் இருந்து விலகி இருக்க நினைவூட்டுகின்றன. அந்த கோடுகள் வெறும் காட்சி எச்சரிக்கை மட்டுமே. ஆனால் பிரஷ்கள் ஒரு உடல் நினைவூட்டலை வழங்குகின்றன.

காலணிகள், உடைகள் மற்றும் விரல்கள் கூட எஸ்கலேட்டர் இடைவெளியில் சிக்கி கடுமையான காயங்கள் ஏற்படலாம். எஸ்கலேட்டர் பிரஷ்களின் முதன்மை நோக்கம், அதில் பயணிப்பவர்களின் கால்கள் மற்றும் ஆடைகளை படிகளின் ஓரங்களிலிருந்து விலக்கி வைப்பதன் மூலம் சிக்கிக் கொள்ளும் அபாயத்தை தடுப்பதாகும் என்பதைப் புரிந்துகொள்வது அவசியம்.