அஜித்தின் 'குட் பேட் அக்லி' படத்தில் சிம்பு? வெளியான தரமான அப்டேட்!

நடிகர் அஜித் குமார் நடிப்பி உருவாகி உள்ள படம் குட் பே அக்லி. இப்படத்தை ஆதிக் ரவிச்சந்திரன் இயக்கி உள்ளார். மைத்ரி மூவிஸ் தயாரித்துள்ள இப்படத்தை ஜி.வி.பிரகாஷ் இசையமைத்துள்ளார். வரும் ஏப்ரல் மாதம் 10ஆம் தேதி இப்படம் திரையரங்குகளில் வெளியாக இருக்கிறது. இதற்காக ரசிகர்கள் காத்துக்கிடக்கின்றனர். 

குட் பேட் அக்லி படத்தின் டீசர் சமீபத்தில் வெளியாகி ரசிகர்கள் மத்தியில் அமோக வரவேற்பை பெற்றது. டீசர் நல்ல வரவேற்பை பெற்றுள்ளதால் படத்தின் மீதான எதிர்பார்ப்பு அதிகரித்துள்ளது. இச்சூழல் படத்தின் முதல் பாடல் இன்னும் சில தினங்களில் வெளியாக உள்ளதாக கூறப்படுகிறது. அந்த பாடல் இன்னும் இரண்டு தினங்களில் வெளியாக அதிக வாய்ப்பு உள்ளதாக சினிமா வட்டாரங்கள் தெரிவிக்கின்றன. 

மேலும் படிங்க: நடிகை சௌந்தர்யா போல மர்மமான முறையில் உயிரிழந்த நடிகைகள்!

மேலும் இந்த பாடலை அனிருத் பாடி உள்ளதாகவும் தகவல்கள் வெளியாகி உள்ளன. அதேபோல் படத்தில் இடம்பெற்றிருக்கும் மற்றொரு பாடலை இயக்குநர் டி.ஆர். பாடி உள்ளாராம். ஏற்கனவே ஆதிக் ரவிச்சந்திரனின் மார்க் அண்டனி படத்தில் டி.ஆர் பாடிய பாடல் மெகா ஹிட் ஆனது. இந்நிலையில், இப்படத்திலும் ஒரு பாடலை அவர் பாடி உள்ளதாக கூறப்படுகிறது. இப்படத்தின் ஒவ்வொரு அப்டேட்டும் படத்திற்கான எதிர்பார்ப்பை அதிகரிக்க செய்கிறது. 

சமீபத்தில் அஜித் குமார் நடிப்பில் கடந்த பிப்ரவரி 6ஆம் தேதி விடாமுயற்சி படம் வெளியானது. ஆனால் அப்படம் மக்கள் மத்தியில் கலவையான விமர்சனத்தையே பெற்றது. இதுவும் குட் பேட் அக்லி படத்தின் எதிர்பார்ப்பு அதிகரிப்பதற்கு ஓர் முக்கிய காரணம். அதுபோக, அஜித் குமாரின் படம் என்றால் ஒரு வருடத்திற்கு ஒரு படம் வெளியாவதே அதிசயமாக இருக்கும். இந்த நிலையில், அவரது படம் அடுத்தடுத்து வெளியாவது ரசிகர்கள் மத்தியில் உற்சாகத்தை ஏற்படுத்தி உள்ளது. 

குட் பேட் அக்லி படத்தில் சிம்பு  

குட் பேட் அக்லி படத்தில் த்ரிஷா, பிரசன்னா, அர்ஜுன் தாஸ் உள்ளிட்ட பிரபலங்கள் நடித்துள்ளனர். போதாக்குறைக்கு ஷாலினி மற்றும் சிம்ரன் நடித்துள்ளதாகவும் கூறப்படுகிறது. இந்த நிலையில், சிம்புவும் கேமியோ ரோல் செய்துள்ளதாக சினிமா வட்டாரங்கள் தெரிவிக்கின்றன. ஒருவேளை இது உண்மையாக இருந்தால் அஜித் ரசிகர்களுக்கு விருந்தாக அமையும். 

மேலும் படிங்க: குட் பேட் அக்லி-க்கு பின் அஜித் கைக்கோர்க்கும் இயக்குநர்! இதுவரை 5 படங்கள்தான் எடுத்துள்ளார்-யார் தெரியுமா?

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ