<p>Tamilnadu Weather Updates: கடந்த 24 மணி நேரத்தில் தென் தமிழகத்தில் ஓரிரு இடங்களில் மழை பதிவாகியுள்ளது. வடதமிழகம், புதுவை மற்றும் காரைக்கால் பகுதிகளில் வறண்ட வானிலை நிலவியது.</p>
<h2><strong>தமிழ்நாட்டின் வானிலை:</strong></h2>
<p>தமிழ்நாட்டின் மேல் பகுதியில் ஒரு வளிமண்டல கீழ் அடுக்கு சுழற்சி நிலவுகிறது. இந்நிலையில் இன்று தென் தமிழகத்தில் ஒருசில இடங்களிலும், வட தமிழகத்தில் ஓரிரு இடங்களிலும் இடி மற்றும் மின்னலுடன் கூடிய லேசானது முதல் மிதமான மழை பெய்யக்கூடும். </p>
<p>மேலும், நாளை முதல் மார்ச் 22 ஆம் தேதி வரை தமிழ்நாட்டில் ஓரிரு இடங்களிலும் இடி மற்றும் மின்னலுடன் கூடிய லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது. </p>
<p>கடந்த 24 மணி நேரத்தில் மழையை பொறுத்தவரை திற்பரப்பு (கன்னியாகுமரி) 3 செ.மீ, சிற்றாறு+ (கன்னியாகுமரி), பேச்சிப்பாறை AWS (கன்னியாகுமரி) தலா 1 செ.மீ அளவும் மழை பதிவாகியுள்ளதாக தெரிவிக்கப்பட்டுள்ளது. </p>
<p>Also Read: <a title="Video: கட்டியணைத்து வரவேற்ற சுனிதா வில்லியம்ஸ்: புதிய விண்வெளி வீரர்கள் மாஸ் எண்ட்ரி..பூமி வருவது எப்போது?" href="https://tamil.abplive.com/news/world/nasa-astronaut-sunita-williams-return-to-earth-confirmed-and-welcoming-spacex-crew-10-members-video-218630" target="_self">Video: கட்டியணைத்து வரவேற்ற சுனிதா வில்லியம்ஸ்: புதிய விண்வெளி வீரர்கள் மாஸ் எண்ட்ரி..பூமி வருவது எப்போது?</a></p>
<h2><strong>வெப்பநிலை நிலவரம்:</strong></h2>
<p>அதிகபட்ச வெப்பநிலையானது சேலத்தில் 37.2° செல்சியஸ் வெப்பநிலை பதிவாகியுள்ளது. குறைந்தபட்ச வெப்பநிலை (சமவெளிப்பகுதிகளில்) கரூர் பரமத்தியில் 20.0° செல்சியஸ் பதிவாகியுள்ளது.</p>
<p>கடந்த 24 மணி நேரத்தில் தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலையில் பொதுவாக பெரிய மாற்றம் ஏதுமில்லை.</p>
<p>தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலை பெரும்பாலான இடங்களில் பொதுவாக இயல்பை ஒட்டி இருந்தது. ஓரிரு இடங்களில் அதிகபட்ச வெப்பநிலை இயல்பிலிருந்து 2-3 டிகிரி செல்சியஸ் அதிகமாக இருந்தது. </p>
<p>தமிழக உள் மாவட்டங்களின் சமவெளி பகுதிகளில் 34 37° செல்சியஸ் மற்றும் தமிழக கடலோரப் பகுதிகள், புதுவை மற்றும் காரைக்கால் பகுதிகளில் 31-35 டிகிரி செல்சியஸ் பதிவாகியுள்ளது.</p>
<h2><strong>அடுத்த 5 தினங்களுக்கான அதிகபட்ச வெப்பநிலை</strong></h2>
<p>அதிகபட்ச வெப்பநிலை 16-03-2025 முதல் 20-03-2025 வரை: தமிழகத்தில் அதிகபட்ச வெப்பநிலையில் பெரிய மாற்றத்திற்கான வாய்ப்பு குறைவு.</p>
<p>இயல்பு நிலையிலிருந்து அதிகபட்ச வெப்ப அளவின் வேறுபாடு இன்று முதல் 20-03-2025 வரை: தமிழகத்தில் ஓரிரு இடங்களில் அதிகபட்ச வெப்பநிலை இயல்பை விட 2-3 டிகிரி அதிகமாக இருக்கக்கூடும் என வானிலை மையம் தெரிவிட்துள்ளது. </p>
<h2><strong>சென்னை வானிலை முன்னறிவிப்பு:</strong></h2>
<p>இன்று (16-03-2025): வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34-35 டிகிரி செல்சியஸை ஒட்டியும், குறைந்தபட்ச வெப்பநிலை 25-26 டிகிரி செல்சியஸை ஒட்டியும் இருக்கக்கூடும்.</p>
<p>நாளை (17-03-2025): வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 34-35 டிகிரி செல்சியஸை ஒட்டியும், குறைந்தபட்ச வெப்பநிலை 25-26 டிகிரி செல்சியஸை ஒட்டியம் இருக்கக்கூடும்.</p>
<p>மீனவர்களுக்கான எச்சரிக்கை ஏதுமில்லை என வானிலை மையம் தெரிவித்துள்ளது. </p>
.png)
11 hours ago
