.png)
3 hours ago
ARTICLE AD BOX
தமிழ்நாடு வேளாண் பட்ஜெட் சட்டப்பேரவையில் இன்று தாக்கல். வேளாண் துறை அமைச்சர் எம்.ஆர்.கே. பன்னீர்செல்வம் தாக்கல் செய்கிறார்.
சென்னையில் முதல்வர் தலைமையில் நடைபெற்ற திமுக எம்எல்ஏக்கள் கூட்டம். பேரவைக் கூட்டத்தொடரில் எவ்வாறு நடந்து கொள்வதென அறிவுறுத்திய மு.க. ஸ்டாலின்.
தொகுதி மறு சீரமைப்பு விவகாரத்தில் மத்திய அரசின் நடவடிக்கை, ஒருதலைபட்சமானது. அனைவரின் கருத்துகளையும் கவனத்தில் கொண்டு முடிவெடுக்கப்பட வேண்டும் என கேரள முதல்வர் பினராயி விஜயன் வலியுறுத்தல்.
தமிழ்நாட்டின் இந்தி எதிர்ப்பு நிலைப்பாடு தவறானது என, ஆந்திர துணை முதல்வர் பவன் கல்யாண் கருத்து. இந்தியை எதிர்க்கும் மாநிலம், லாபத்திற்காக திரைப்படத்தை இந்தியில் மொழி மாற்றம் செய்வது வெளியிடுவது ஏன் என்றும் கேள்வி.
வரும் 23ஆம் தேதி உண்ணாவிரதப் போராட்டம் நடத்தப் போவதாக ஜாக்டோ ஜியோ அமைப்பினர் அறிவிப்பு. பழைய ஓய்வூதியத் திட்டம் உள்ளிட்ட அறிவிப்புகள் தமிழ்நாடு பட்ஜெட்டில் இல்லாதது ஏமாற்றம் அளிப்பதாக அறிக்கை.
காவிரி ஆறு கடலில் சங்கமிக்கும் பூம்புகாரில் நடைபெற்ற பரவசமூட்டும் தீர்த்தவாரி வைபவம். 40 ஆண்டுகளுக்குப் பிறகு எழுந்தருளிய தலைச்சங்காடு நான்மதியப் பெருமாள்.
பஞ்சாப் பொற்கோயிலுக்குள் புகுந்து இரும்புக் கம்பியால் தாக்குதல் நடத்திய அடையாளம் தெரியாத நபர். சேவகர்கள், பக்தர்கள் என 5 பேர் காயம்; காவல் துறை தீவிர விசாரணை.
எலான் மஸ்க்கின் ஸ்டார்லிங்க் இணையசேவைக்கு இந்தியாவில் கட்டுப்பாட்டு மையம் அமைக்க வேண்டும் என ஸ்டார்லிங்க் நிறுவனத்திடம் மத்திய அரசு அறிவுறுத்தியுள்ளதாக தகவல்.
உக்ரைன் போரை நிறுத்துவது தொடர்பாக ரஷ்ய அதிபர் புதினுடன், அமெரிக்க அதிபர் ட்ரம்ப் தொலைபேசியில் பேச்சு. ரஷ்ய வீரர்களால் சூழப்பட்டுள்ள உக்ரைன் வீரர்களை உயிரோடு விடுமாறு புதினிடம் வலியுறுத்தல்.
கனடா நாட்டின் புதிய பிரதமராக பதவியேற்றார் மார்க் கார்னி. ஜஸ்ட்டின் ட்ரூடோ அதிகாரப்பூர்வமாக பிரதமர் பதவியிலிருந்து விலகிய நிலையில் பொறுப்பேற்பு.
ரஜினிகாந்தின் ‘கூலி’ படப்பிடிப்பின்போது எடுக்கப்பட்ட புகைப்படங்களை வெளியிட்ட படக்குழு. இயக்குநர் லோகேஷ் கனகராஜுக்கு பிறந்த நாள் வாழ்த்து தெரிவித்து EXclusive photos-ஐ பகிர்ந்த தயாரிப்பு நிறுவனம்.
