Headlines|சபாநாயகர் மீது நம்பிக்கையில்லாத தீர்மானம் முதல் துர்நாற்றம் வீசிய ரயில்பெட்டி வரை!

சபாநாயகர் அப்பாவு மீது அதிமுக கொண்டு வந்த நம்பிக்கை இல்லா தீர்மானத்தின்மீது தமிழக சட்டப்பேரவையில் இன்று வாக்கெடுப்பு.

சென்னை கோட்டூர்புரத்தில் இரண்டு ரவுடிகள் வெட்டிக் கொலை. காதலி கொலைக்கு பழிதீர்க்க காத்திருந்தவரை வெட்டிக் கொன்ற கும்பல்.

மொழி விவகாரத்தில் எவ்வளவு உறுதியாக இருக்கிறோம் என்பதை காட்டவே ரூ எழுத்தை வைத்ததாக முதல்வர் மு.க.ஸ்டாலின் விளக்கம். தமிழ் மொழியை பிடிக்காதவர்கள் இதனை பெரிதாக்கிவிட்டதாகவும் விமர்சனம்.

‘ரூ’ போட்டதால் பட்ஜெட் ஹிட் ஆகிவிட்டதாக சினிமா வசனம் பேசுகிறார் முதல்வர். பட்ஜெட் ஹிட் ஆவது, அறிவிப்பதில் இல்லை; செயல்படுத்துவதில் தான் என எடப்பாடி பழனிசாமி விமர்சனம்.

உதவி லோகோ பைலட் பணியிடங்களுக்கான தேர்வு மைய ஒதுக்கீட்டில் எந்த பாகுபாடும் காட்டப்படவில்லை. வழக்கமான நடைமுறையே பின்பற்றப்படுவதாக ரயில்வே விளக்கம்.

டாஸ்மாக் விவகாரத்தில் திமுக அரசின் ஊழல் வித்தைகள் செல்லாது என தவெக தலைவர் விஜய் அறிக்கை. முறைகேடு குறித்து உரிய விசாரணை தேவை என்றும் வலியுறுத்தல்.

சினிமா கவர்ச்சியின் மூலம் இளைஞர்களை மடைமாற்ற முடியாது. நடிகரின் பின்னால் செல்லும் இளைஞர்கள் விசிகவுக்கு தேவையில்லை என திருமாவளவன் பேச்சு.

திருச்செந்தூர் முருகன் கோயில் தரிசன வரிசையில் நின்ற பக்தர் உயிரிழந்த விவகாரம். கூட்ட நெரிசலால் மரணம் ஏற்படவில்லை என அமைச்சர் சேகர்பாபு விளக்கம்.

கன்னியாகுமரி எக்ஸ்பிரஸ் ரயிலின் ஏசி பெட்டியில் துர்நாற்றம் வீசியதாகப் புகார். நெல்லையில், அவசர சங்கிலியை பிடித்து இழுத்து ரயிலை நிறுத்திய பயணிகள்.

தென்காசி மாவட்டம் ஆழ்வார்குறிச்சி அருகே இரு பிரிவினர் இடையே மோதல். கட்டைகளை கொண்டு தாக்க முயன்றதால் பரபரப்பு.

கோத்ரா வன்முறை கற்பனையிலும் நினைத்துப் பார்க்க முடியாத சோகம். தவறான தகவல்கள் பரப்பப்பட்டதாக பிரதமர் நரேந்திர மோடி பேட்டி.

சுனிதா வில்லியம்ஸ் உள்ளிட்ட இருவரை மீட்டு வர சர்வதேச விண்வெளி நிலையம் சென்று சேர்ந்தது ஸ்பேஸ் எக்ஸ் டிராகன் குழு. வரவேற்பு காட்சிகளை வெளியிட்ட நாசா.

பாகிஸ்தான் ராணுவம் மீது பலுசிஸ்தான் விடுதலைப் படை மீண்டும் கொலைவெறித் தாக்குதல். தற்கொலைப் படையினர் நடத்திய தாக்குதலில் 90 ராணுவத்தினர் இறந்ததாக பலுச் படையினர் தகவல்.

மாஸ்டர்ஸ் லீக் கிரிக்கெட் தொடரில் சாம்பியன் பட்டம் வென்றது சச்சின் தலைமையிலான இந்திய அணி. இறுதிப் போட்டியில் வெஸ்ட் இண்டீஸ் அணியை எளிதில் வீழ்த்தி அபாரம்.

நீர்ச்சத்து குறைவால் மருத்துவமனையில் சிகிச்சை பெற்ற இசையமைப்பாளர் ஏ.ஆர்.ரஹ்மான் வீடு திரும்பினார். விரைந்து குணம் பெற வாழ்த்துவதாகவும் சட்டப்படி இன்னும் தாங்கள் பிரியவில்லை என்றும் மனைவி சாய்ரா பானு விளக்கம்.