.png)
2 hours ago
ARTICLE AD BOX
ஜாக்டோ ஜியோ அரசு ஊழியர் சங்கத்தினர் மாவட்டத்தலைநகரங்களில் இன்று போராட்டம். அமைச்சர்களுடன் ஏற்பட்ட பேச்சுவார்த்தையில் முடிவு எட்டப்படாததை அடுத்து நடவடிக்கை.
தமிழகத்தில் 9 ஐபிஎஸ் அதிகாரிகள் உள்பட 15 காவல் உயர் அதிகாரிகளை பணியிட மாற்றம் செய்து உத்தரவு. ஞானசேகரன் வழக்கை விசாரிக்கும் சிறப்பு புலனாய்வு குழுவில் இடம்பெற்றிருந்த எஸ்.பி. பிருந்தாவும் பணியிட மாற்றம்
கோவில்பட்டியில் கைக்குழந்தையுடன் தனியாக வசித்த பெண்ணை, வீடு புகுந்து கத்தியைக் காட்டி மிரட்டி பாலியல் வன்கொடுமை. ஒருவர் கைதான நிலையில் மற்றொருவரை துப்பாக்கியால் சுட்டுப்பிடித்த காவல்துறையினர்.
''ஈஷா யோகா மையம் நடத்தவுள்ள மகாசிவராத்திரி நிகழ்ச்சிக்கு எதிர்ப்பு தெரிவித்து தாக்கல் செய்யப்பட்ட மனு தள்ளுபடி. வெறும் அச்சத்தின் அடிப்படையில் தாக்கல் செய்யப்பட்டுள்ள வழக்கில் எந்த காரணமும் இல்லை எனக் கூறிய உயர் நீதிமன்றம்.
சென்னையில் வழிப்பறி விவகாரத்தில் தலைமறைவாக இருந்த மேலும் 2 வணிகவரித்துறை அதிகாரிகள் கைது. தனிப்படை நடவடிக்கை.
தமிழகத்தின் பல்வேறு பகுதிகளில் தொடரும் இந்தித் திணிப்பு எதிர்ப்பு போராட்டங்கள். சென்னை ஆலந்தூரில் மத்திய அரசு அலுவலக பெயர் பலகைகளில் இருக்கும் இந்தி எழுத்துகளை அழித்த திமுகவினர்.
அசாமில் தேயிலை தொழில் தொடங்கப்பட்டதன் 200ஆவது ஆண்டு விழா. 9 ஆயிரம் நடனக்கலைஞர்கள் பங்கேற்ற பிரம்மாண்ட நிகழ்ச்சியை கண்டுரசித்த பிரதமர் மோடி.
மராத்தி மொழி தெரியாததாக கூறி கர்நாடக அரசுப்பேருந்து நடத்துநர் மகாராஷ்ட்ராவில் தாக்கப்பட்ட விவகாரத்தில் தொடரும் பதற்றம். இரு மாநில மக்களும் அமைதி காக்க கர்நாடக உள்துறை அமைச்சர் பரமேஸ்வரா வேண்டுகோள்.
சாம்பின்ஸ் டிராபி தொடரின் வங்கதேசத்துக்கு எதிரான போட்டியில் நியூசிலாந்து வெற்றி. புள்ளி பட்டியலில் முதல் இரு இடங்களை பிடித்ததால் இந்தியா, நியூசிலாந்து அணிகள் அரையிறுதிக்கு முன்னேற்றம்.
பாகிஸ்தானில் நடைபெற்று வரும் சாம்பியன்ஸ் டிராபி கிரிக்கெட் போட்டிகளை காண வரும் வெளிநாட்டு ரசிகர்களை கடத்த பயங்கரவாத அமைப்புகள் திட்டம் எனத் தகவல். உளவுத்துறை எச்சரிக்கையை தொடர்ந்து பாதுகாப்பு மேலும் அதிகரிப்பு.
