Ayyanar Thunai Serial : ‘சுற்றி வளைத்த ரவுடிகள்.. திக்கி திணறும் நிலா..’ அய்யனார் துணை சீரியலில் இன்று!

மேலும் படிக்க | பயங்கர குஷியின் முத்து.. கடும் கோபத்தில் மீனா.. அருணுக்கு மலர்ந்த காதல்.. சிறகடிக்க ஆசை சீரியலில் இன்று என்ன?

காரில் செல்லும் போது, வழக்கமான தன்னுடைய திமிர் பேச்சால், மாமனார் மற்றும் மைத்துனரை கேவலமாக பேசுகிறான் மாப்பிள்ளை. குறிப்பாக நிலாவின் கேரக்டரைப் பற்றி, கேவலமாக சித்தரித்து மாப்பிள்ளை பேசுகிறார். அதைக் கேட்கும் நிலாவின் அப்பாவுக்கு, பயங்கர கோபமும், ஆத்திரமும் வருகிறது. அந்த பேச்சை நிறுத்துமாறு அவர் கேட்கிறார். ஆனால், மாப்பிள்ளையோ மாறாக, நிலாவோடு சேர்த்து, நிலாவின் அப்பாவையும் சாடுகிறான். 

கடுப்பான நிலாவின் அப்பா, ‘அந்த பேச்சை நிறுத்துமாறு’ கூறுகிறார். ஆனால், மாப்பிள்ளை தன்னுடைய பாணியில், நிலாவையும், நிலாவின் குடும்பத்தையும் திட்டுகிறான். ஒருகட்டத்தில் அவன் பேச்சு உச்சம் போக, மாமனாரையும் மதிக்காமல் பேச, கடுப்பான நிலாவின் அண்ணன், மாப்பிள்ளையை எச்சரிக்கிறான். இப்படி, அவர்களுக்குள், வாக்குவாதம் ஏற்படுகிறது. 

மேலும் படிக்க | வைர நெக்லஸூக்கு ஆசைப்பட்ட மாயா.. சூசக வேலையை செய்த கார்த்தி.. இன்றை கார்த்திகை தீபம் சீரியலில் என்ன?

இந்த வாக்குவாதத்தால் ஆத்திரம் அடைந்த நிலாவின் அப்பா, தன் ஆட்களுக்குப் போன் செய்து, ‘சோழனை முடித்து விட்டு, தன் பெண்ணை மீட்குமாறு’ கட்டளையிடுகிறான். மேலும், தன் வீட்டு சிசிடிவி காட்சிகளை கொஞ்சம் ரீவைண்ட் செய்து பார்க்கிறார்கள். அப்போது, ஓடிப் போகும் முன்பு, நிலாவும்-சோழனும் வீட்டு வளாகத்தில் நின்று ப்ளான் போடும் வீடியோ இருப்பது தெரிகிறது. 

அதை வைத்து, சோழனுடன் தான் நிலா சென்றிருக்கிறாள் என்று முடிவு செய்கிறார் நிலாவின் அப்பா. மேலும், அருகில் உள்ள சித்தப்பா வீட்டில் உள்ள சிசிடிவி காட்சிகளையும் சோதனையிட்டு, சோழன் காரில் தான், நிலா தப்பிச் செல்கிறாள் என்பதை உறுதி செய்கிறார். இந்த நிலையில், காரில் தன்னுடன் வரும் நிலாவை, சோழன் வம்பிழுத்தபடி கார் ஓட்டி வருகிறான். ஒரு கட்டத்தில், ‘ஒரு சைக்கோவிடம் தப்பித்து, இன்னொரு சைக்கோவிடம் மாட்டிட்டேன்’ என்று சொல்ல வைத்துவிடாதீர்கள் என்று நிலா கூறும் அளவிற்கு, அவர்களின் உரையாடலம் போகிறது.

மேலும் படிக்க | தர்ஷனுக்கு எதிராக துப்பு துலக்கும் பெண்கள்.. தொக்காக சிக்கிய கதிர்.. எதிர்நீச்சல் சீரியலில் இன்று என்ன?

இறுதியில், நிலாவின் அப்பா கட்டளையிட்டபடி, சோழன், நிலா சென்ற காரை வழிமறிக்கிறது ஒரு கும்பம். பயங்கர ஆயுதங்களுடன் உள்ளிருந்து ஓடி வரும் ரவுடிகளைப் பார்த்து, நிலாவும், சோழனும் அதிர்ந்து பார்க்கிறார்கள். அப்படியே முடிவுகிறது, இன்றைய எபிசோடு. நிலாவுக்கும், சோழனுக்கும் என்ன ஆனது? நிலாவின் அப்பா, அடுத்து எடுக்கப் போகும் முடிவு என்ன? ரவுகளை சமாளிப்பார்களா சோழனும் நிலாவும்? என்று பல்வேறு எதிர்பார்ப்புடன் நிறைவு பெறுகிறது பிப்ரவரி 20 ம் தேதி எபிசோடு.